Pusa Fesili

◼ Pe ao ea i tagata talaʻi ma paeonia ona faimeaalofa i le galuega a le Sosaiete i le lalolagi aoao i taimi taitasi latou te maua ai lomiga mo le auaunaga i le fanua i le Maota o le Malo?

Leai. E pei ona taʻua i le tusi o Me 15, 1990, i faapotopotoga uma lava i lalo o le Lala i Samoa i Sisifo. “E mafai e tagata talaʻi ona...fai a latou lava foai e lagolago ai le galuega i le lalolagi aoao e tusa ma lo latou tomai ma le faanaunauga, i so o se taimi ua latou filifilia e faia ai.—2 Kori. 8:10-15; 9:6-14.”

Peitai, ua filifili nisi tagata talaʻi e faia a latou foai i le taimi e ave ai sa latou sapalai o lomiga. Ua latou faia faapea ona o le aveina o lomiga ua fai lea ma faamanatu faigofie i lo latou faaeaga ma le avega tauave e lagolago ai pea le galuega i le lalolagi aoao. O isi ua faia foai totino i le taimi lava e tasi lea latou te tuua ai foai faameaalofa mai ē naunau sa latou feiloai i le faiva i le fanua. E toatele ua filifili e faia se foai faapitoa i vaiaso taitasi. Ae o isi foi ua faataatia ese se tupe mo le galuega i le lalolagi aoao i masina taitasi, e pei lava ona latou faia mo tupe faaalu mo le Maota o le Malo.

Po le ā lava le taimi e fai ai, e tatau i tagata taitoatasi ona maumauai i le mea e mafai ona ia faia totino e lagolago ai le galuega i le lalolagi aoao. O na foai e ao ona faia i se auala maopoopo e tusa ma le tele o le tamaoaiga o lē foai. (1 Kori. 16:2) A tatou faia na foai, e tatau ona teu i o tatou manatu o loo tatou faimeaalofa e lē tau ina ia totogi ai le tau o le saunia o lomiga ae na i lo lea e lagolago ai vala uma lava o le galuega i le lalolagi aoao.