Le Mana o le Afioga a le Atua
1 O le Afioga a le Atua e mamana. (Epe. 4:12) I aso nei, e mafai ona vaaia faamaoniga o lena mea i le faitau miliona o olaga ua suia i le lelei, a o faatatauina e tagata mea ua latou aʻoaʻoina mai le Tusi Paia. O le tulaga moni foi lena sa iai i le uluai senituri ina ua tufaina atu e soʻo o Iesu le poto o le Afioga a le Atua i isi.—Roma 12:2.
2 Ina ia maua e tagata aogā mai aʻoaʻoga a le Tusi Paia, e manaomia ona latou iloa, o le Tusi Paia o le Afioga a le Atua. (1 Tesa. 2:13) Ia Novema, o le a tatou avatu ai i tagata le avanoa e aʻoaʻoina atili ai le aogā o le Tusi Paia, a o tatou tufaina atu i ē naunau moni le polosiua fou Po o Silasila Alofa mai ea le Atua ia i Tatou?
3 Aiseā e lē autalu ai nisi vala matagofie o lenei polosiua fou? E mafai e le lisi o mataupu o loo i le itulau e 2, ona tataʻi atu ai oe i palakalafa o loo talanoaina ai le tele o upu moni ofoofogia mai le Tusi Paia e matuā faamaonia ai faapea, o loo silasila alofa moni mai lava Ieova ia i tatou. O loo iai le tele o ata puʻe ma ata faafaatusa. O na ata, o le a mafai ai ona tatou ofoina atu le polosiua ma le aasa moni, ona o le mautinoa atoatoa e faapea, e manaomia e tagata i la tatou oganuu ona faalogo i le tala lelei o loo iai.
4 E mafai faapefea ona tatou faaaogāina lenei polosiua pe a fetaiai ma sē ona le fale e talitonu, o le Tusi Paia o le Afioga a le Atua? Atonu e mafai ona atiina aʻe le naunau e ala i le faamatilatila o le Vaega e 9 lea o loo faamaonia ai ua tatou ola i “aso e gata ai,” po o le Vaega e 10 lena o loo faamatilatila ai le tele o faamanuiaga ofoofogia o le a maua e tagata i le lalolagi fou. O le faitauina o mau o loo faaalia i itulau e 24 ma le 25, o le a faamautinoa ai i lē ona le fale e faapea, e faavae la oulua talanoaga i le Tusi Paia.
5 E toatele o loo tau mānatu pe aiseā ua faatagaina ai e le Atua le tele nauā o mafatiaga pe afai o loo ia silasila alofa moni mai lava ia i tatou. E mafai ona faaaogā ma le uigā le Vaega e 6 i lenei tulaga, e fesoasoani ai i tagata ina ia malamalama i fanauga o loo aafia ai.
6 Pe a tatou faitauina atu a tatou Tusi Paia, o le a mafai la ona iloa e lē ona le fale, e faavae la tatou feau i le Tusi Paia. O lea, ia taumafai e faitau nisi o mau ua faaalia mai i lenei polosiua i lē ona le fale. E ala i le Tusi Paia, ua faailoa mai ai e Ieova ana feutagaʻiga ma tagata, ma ua faapea ona tatou faamasani ai i ona uiga ofoofogia. Talosia ia tatou faaaogāina ma le uigā le Tusi Paia, faatasi ma lenei polosiua fou e fesoasoani atu ai i isi ina ia aʻoaʻo e uiga ia Ieova ma le mana o lana Afioga!—2 Kori. 10:4.