Amataina Suesuega Faale-Tusi Paia i Tusi o le Greatest Man ma le Olaga Faaleaiga
1 O le faia o se suesuega faale-Tusi Paia i aiga o le a sili ona olioli ma faamanuiaina ai e lē gata ia te oe ae faapea foi le tagata e ona le fale. E leai se mea e faatusaina i ai le olioli o le tufaina atu i isi o le malamalama o le Tusi Paia.—Faata. 11:25.
2 Le Faailoga o Aso Mulimuli: Afai e te faaaogāina le fautuaga o loo i le mataupu o i luga ma amata ai lau talanoaga i le sāvali Po o le a Faasaoina ea Lenei Lalolagi?, e mafai la faapefea ona e amataina nei se suesuega i le faaaogāina o le mataupu e 111 i le tusi o le Greatest Man? Suʻe le tusi i le mataupu e 111, ma faitau uluai palakalafa e tolu. Ona e fai atu lea o le uluai fesili o loo i le faaiʻuga o le mataupu: “O le ā ua uunaia ai le fesili a le au aposetolo, ae o le a le isi mea e foliga mai sa latou mafaufau i ai?” Ia fesoasoani atu i lē ona le fale ina ia mafaufau i le tali, ma faaaogā le faataʻitaʻiga e aʻoaʻo atu ai. Pe a maeʻa ona faitau le palakalafa lona fā e oo i le ono, ia fai atu le fesili lona lua: “O le ā le vaega o le valoaga a Iesu na faataunuuina i le 70 T.A., ae o le ā e leʻi tupu ai i lena taimi?” Afai e foliga mai e fiafia lē ona le fale ma pe afai foi o lava le taimi, ona faaauau lea o le lua talanoaga.
3 Afai e foliga e iai se isi taimi e sili atu ona talafeagai mo lē ona le fale, e mafai ona e fesili i ai: “Po o e fia iloa atili nisi mea e uiga i le taimi e oo mai ai le iʻuga o le faiga o mea?” Ona e fuafua loa lea e toe foi atu ina ia tali le fesili.
4 Pe Mafai ona Iai se Lalolagi Filemu? Afai e te faaaogāina le sāvali o le Olaga i se Lalolagi Fou Filemu e tataʻi atu ai i le tusi o le Olaga Faaleaiga, e mafai faapefea ona fesoasoani le itulau e 183 i le amataina o se suesuega faale-Tusi Paia?
Pe a maeʻa ona faitauina le 2 Peteru 3:13, e mafai ona e faitauina pe taaofai atu le palakalafa lona lua i le itulau e 3 o le sāvali ma faapea atu:
◼ “Seʻi mātau le auala o loo faamatala ai e le tusi o le Faia o Lou Olaga Faaleaiga ia Fiafia le mea o le a faataunuuina e Iesu i le lumanai.” Ona faitau lea o le palakalafa e 6 i le itulau e 183. Fesili atu i lē ona le fale: “ ‘Pe e te fia iai ea i le lalolagi fou lea o le a pule ai Iesu o se Tupu?’ [Ia faataga mo se tali.] Ou te manao e maua se avanoa i vaiaso taitasi e fesoasoani ai ia te oe ina ia e aʻoaʻoina mai le Tusi Paia le auala e mafai ai ona e maua lenei tulaga.”
5 O loo tele pea tagata loto faamaoni o ē e alolofa i le amiotonu ma o loo saili atu mo ni vaifofo i faafitauli o loo latou fesagaʻi. O le mea moni, o le tufaina atu o aʻoaʻoga a Iesu Keriso e ala i se suesuega faale-Tusi Paia o se taumafaiga e sili atu ona tauia.