Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • km 3/93 itu. 8
  • Ia Fesuisuiai Ou Tomai i Lau Faiva

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Ia Fesuisuiai Ou Tomai i Lau Faiva
  • La Tatou Faiva o le Malo—1993
  • Mataupu e Taitutusa
  • Faatomuaga Uigā
    La Tatou Faiva o le Malo—1990
  • Faatomuaga e Faagaeeina ai le Naunau
    La Tatou Faiva o le Malo—1992
  • Le Auala e Sauniuni Lelei ai Faatomuaga e Faaoso Naunau
    La Tatou Faiva o le Malo—2013
  • Taulimaga e Faigofie ma e Aogā
    La Tatou Faiva o le Malo—1993
Faitau Atili
La Tatou Faiva o le Malo—1993
km 3/93 itu. 8

Ia Fesuisuiai Ou Tomai i Lau Faiva

1 Ua faapea mai se faaupuga, o le matalasi o se faamanogi lelei i le olaga. E masani lava, o le eseese o auala e faamatala atu ai se mataupu e mafai ona atili logoleleia ai. Ua matuā moni lea i la tatou faiva. A tatou lē faaeteete, e faigofie lava ona pei a tatou taulimaga mai lea fale i lea fale, o se laau puʻe leo. O le fai atu pea lava pea o le faatomuga lava e tasi e oo ina faatiga taliga ia i tatou ma ē foi e ona fale. O lea la, ia fesuisuiai ou tomai i lau faiva. Ae e mafai faapefea ona e faataunuuina lenei tulaga?

2 Na i lo le faapea atu, ‘Talofa lava. O loo matou asiasi i o matou tuaoi e talanoa i le tala lelei o le Malo,’ aiseā e lē mafaufau ai i ni auala e faafesuisuiai ai au upu amata? O loo iai i le tusi Reasoning le tele o faamatalaga e faatatau i faatomuaga. I le itulau e 9-15, o loo iai faatomuaga mo mataupu eseese e 18. Ma o loo iai le tusa ma le lua, tolu, po o le sili atu foi ni faatomuaga fetaui mo le tele o mataupu.

3 Pe afai o loo e faaaogāina le polosiua “Po o Silasila Alofa mai ea le Atua ia i Tatou?,” atonu e fesoasoani lenei faatomuaga mai le vaega “Olaga/Fiafiaga” (“Life/Happiness”) i le itulau e 13:

◼ “O loo matou fetalanoaai ma tagata o ē o loo manatu mamafa moni i le tulaga o iai le soifuaga i aso nei. O le toatele ua tau mānatu, Pe ono mafai ea ona iai se olaga fiafia moni? Ua saunia e lenei polosiua se manatu tāua e faalaeiau ma faatupu finagalo e tusa ai ma le mataupu.” Ia susuʻe le itulau e 25 o le polosiua, ma faitau atu i ai ni manatu matilatila e tasi pe lua mai le palakalafa e 15 ma le 16.

4 O nisi tagata talaʻi o le Malo—ae maise lava ē talavou ma ē o loo fou, ma ē foi ua matutua—ua latou mautinoa o le faaaogāina o sāvali e mafai ona faia ai se faafeiloaiga lelei i fale.

E ono faaaogā e se tagata talaʻi laitiiti le sāvali “Olioli i le Olaga Faaleaiga” ma faapea atu:

◼ “O loo ia te aʻu se feau puupuu lava mo oe, e faatatau i le auala e mafai e le Atua ona tuufaatasia ai aiga i le fiafia. Ou te fia tuuina atu mo oe lenei sāvali ua faaulutalaina Olioli i le Olaga Faaleaiga.” E mafai loa e le tagata talaʻi matua o loo galulue faatasi ma le tamaitiiti ona mātau pe toe faaopoopo atili atu nisi manatu po o ni faamatalaga, e fuafua lava i le tali mai a le tagata e ona le fale.

5 Pe afai e faaalia mai e lē ona le fale le naunau, atonu e faapea atu le tagata talaʻi matua:

◼ “Ua saunia e le Tusi Paia faatonuga mo le vaega talafeagai a le tane, le avā, ma fanau i le aiga. Talu ai o le Atua o Lē na Amataina le aiga, pe e te lē ioe ea la, ua sili ona talafeagai o ia mo le taʻuina mai ia i tatou o le auala e tatau ona faagaoioia ai aiga? Ou te fia faalogo atu foi i sou taofi e tusa ai o le fautuaga tuusaʻo a le Tusi Paia i sui uma o le aiga.” Ona faitau loa lea i ai o le Efeso 5:22, 23, 28-31.

6 Pe afai e te faaali atu le tusi Olaga Faaleaiga, aiseā e lē faamatilatila ai le vaaiga mautinoa mo le lumanai lena o loo faataatia mai e le Faaaliga 21:3, 4? Ona faitau lea i ai o le palakalafa e 18 ma le 19 i le itulau e 190 o le tusi. Fesili atu i lē ona le fale pe talafeagai ona talitonu o le a faataunuuina e le Atua nei folafolaga uma. O le talanoaina puupuu o mataupu eseese o loo faaali mai i le itulau, o mea o iai, atonu e mafai ona faalaeiau ai i lē ona le fale ina ia faitau lenei lomiga tāua.

7 E mananao uma lava ē o loo folafolaina le Malo ina ia auai i le faalauteleina atu o manaoga faatiokarate, i le totōina o fatu o le upu moni i mea e mafai ai, ma i le faatuputupuina aʻe o le naunau ua faaalia. O le faia o la tatou vaega, tatou te mafai ai ona tuu atu ma le fiafia i aao o Ieova so o se isi faatupuina aʻe i le lumanai. O loo ia i tatou tala e sili ona lelei e tufa atu i o tatou tuaoi. O lo tatou sauniuni pea lava la, e mafai ai ona tatou fesuisuiaia o tatou tomai i le tauaaoina atu o le feau o le Malo ma faautauta ai i le ofoina atu o a tatou lomiga.

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga