Amataina Suesuega Faale-Tusi Paia i le Tusi o le Ola e Faavavau

¹ O le alofa mo tagata e ao ona uunaia ai i tatou ina ia nofo sauni ma vave foi atu e fesoasoani i ē o loo matelaina ma galala mo le upu moni. (Mata. 5:6) E ao ona tatou matauina ma galueaiina sina naunau tatou te maua pe afai tatou te lē mananao e mou ese atu. O sauniuniga o le ki autū lea i le manuia.

² E tatau ona fai ma ō tatou sini le amataina o suesuega faale-Tusi Paia. (Mata. 28:20) O uluai kopi o le tusi o le Ola e Faavavau na faaaofia ai manatu nei e fai ma faatomuaga: “E mautinoa o se tusi lelei tele lenei i le faia o suesuega ma tagata uma, o ē talavou ma ē matutua, e tusa lava po o ā o latou tulaga tau aʻoaʻoga.” Ua tusia i se auala ua faafaigofie ai le faia o suesuega, e oo lava i tagata talaʻi fou ua mafai ona fai ai so latou sao. O lo tatou taulau manuia i le amataina o suesuega fou e faalagolago i le uigā o le faia o ā tatou toe asiga.

³ E Mafai Faapefea ona Tatou Amataina Suesuega? Pe a tatou toe foi atu i ai, e masani ona lelei le faafesootai o la tatou talanoaga ma se manatu po o se fesili na taʻua i la tatou uluai asiasiga. Atonu sa lua talanoaina le tulaga o ē ua maliliu, ma faataatia ai se fesili e faapea, “O le ā le faamoemoe mo ē e pele i a i tatou ua maliliu?” Ia faamatala atu i ai e faapea o le toetu e lē o se faamoemoe e lē faavaea; ua taʻua i le Tusi Paia le anoanoai o faaaoaoga o toetu ua uma ona faia. Toe autalu faataitaiga o loo i itulau e 167-169. Ona talanoa lea o mea o loo taʻua i le palakalafa 1 ma le 2 i le itulau e 166. Pe afai e iai se naunau, ona ofo atu lea e te toe asiasi atu e talatalanoa atili.

⁴ Atonu ua e talanoa i se matua o lē ua faailoa mai lona popole i le faateleina o faafitauli ua tutupu i le tausia aʻe o fanau. Atonu i au lava upu, o le a e faapea atu:

◼ “E mananao mātua uma mo mea e sili ona lelei mo ā latou fanau. Ua iai i le Tusi Paia faatonuga e mafai ona fesoasoani i mātua i le aʻoaʻoina o ā latou fanau ina ia maua le olaga faamalieina lea e uigā ma iai sona faamoemoe. Ona o lena mafuaaga, matou te matuā faalaeiauina le suesueina faatasi e aiga o le Tusi Paia. [Faasino i le palakalafa e 23 i le itulau e 246.] O le poto e maua o le a mafai ona aumaia ai faamanuiaga e faavavau i le aiga atoa.” Faitau le Ioane 17:3. Ia faailoa atu lou naunau e toe foi atu ma faaali i le aiga le auala e amataina ai la latou suesuega.

⁵ Pe afai o oe o se tagata talaʻi talavou pe e te fou foi, ma sa e talanoa puupuu i le faamoemoe o le Parataiso i lau uluai asiasiga, e mafai ona suʻe le tusi i le itulau e 3, ma tau ina faapea atu:

◼ “Ua folafolaina mai i le Tusi Paia e faapea o i latou o ē faia le finagalo o le Atua, e mafai ona latou tulimataia le ola i se lalolagi e pei o lenei, lea o le a iai le fiafia ma le filemu. Ua faaalia i lenei tusi le mea e ao ona tatou faia ina ia olioli ai i lena faamanuiaga.” Ia faamatala faapuupuu atu le faiga o suesuega, ma ofo e faataitai atu.

⁶ Ona o i tatou o soo o Iesu, ua avea ai o sa tatou tiute tauave le fesoasoani atu i tagata. (Roma 10:14) Pe afai sa tatou tuuina atu ni lomiga pe na ona fai foi o se talanoaga sologa lelei, ua tatou maua ai le avega tauave o le atiina aʻe o le naunau. (Mata. 9:37, 38) Pe afai tatou te faataunuuina lelei lenei tofiga, ona maua ai lea e tagata uma o faamanuiaga o le a iu i ai.—1 Timo. 4:16.