Ia Faaaogā Lelei Pepa Valaau

¹ O pepa valaau a le faapotopotoga, e aogā mo le faailoaina atu i tagata o le nuu e uiga i le mea o loo tu ai le Maota o le Malo ma le taimi saʻo o sauniga. O se mea tatau ona tuu se pepa valaau i tagata uma lava e tou te feiloai. O lea la, e tatau ai i faapotopotoga taitasi ona lava ni a latou pepa valaau e teuina. Mo faapotopotoga e suia ia Ianuari i tausaga taitasi taimi o a latou sauniga, e tatau ona otaina pepa valaau fou ia Oketopa i tausaga taitasi ina ia lava pea ni pepa valaau mo taimi o sauniga. E tatau ona faaaogā le pepa, Handbill Request mo lea fuafuaga. I le taimi e te mauaina ai nei pepa valaau, e mafai faapefea ona faaaogaina i se auala e sili atu ona aogā?

² Ua iloa e le toatele o le au talaʻi e faapea, o le tuuina atu o se pepa valaau i se tagata, o se auala lelei lea e faailoa atu ai i latou lava ma amataina ai ni talanoaga. O le faaali atu o le faasologa mo sauniga po o le feau o loo i le isi itu, e mafai ona tatala ai le auala mo se talanoaga e uiga i la tatou galuega ma lona fuafuaga. E mafai e mātua ona faaaofia a latou fanau laiti i le faiva e ala i le tuu atu ia i latou e ofoina se pepa valaau i le fale. O tagata talaʻi o loo faia ni molimau atu e ala i le tusia o ni tusi, e tatau ona tuu ai i totonu o le tusi se pepa valaau ma valaaulia le tagata ina ia auai i sauniga. Atonu e mafai foi ona tuu ni pepa valaau i fale e lē o maua i ai ni tagata, ma ia faaeteete ina ia tuu lelei i lalo o le faitotoa i se mea e lē mafai ona iloa atu e tagata fegasoloai.

³ Ua avea pepa valaau ma meafaigaluega aogā i le tataʻiina mai o tagata loto faamaoni i le upu moni. Ua taʻua i se mea na tupu se tasi fafine o lē na faaalia le loto faafetai ona o se pepa valaau, na mafai ai ona faataunuuina lona faanaunauga sa iai i lona olaga atoa o le fia malamalama lea i le Tusi Paia. Ina ua uma ona ia faaaluina se po e tatalo atu ai i le Atua, na ō atu ai se ulugalii Molimau i le taeao ma faatatagi atu le logo o le faitotoa. I le tilotilo mai i se pu laitiiti i le faitotoa o lona fale, sa ia valaau mai ai, e lē mafai ona ia tatalaina atu le faitotoa. Na momono atu e Molimau se pepa valaau i lalo o le faitotoa. Na faitauina faapea: “Know Your Bible” (Faamasani i Lau Tusi Paia). Sa ia iloa atu ma tatala loa le faitotoa. Na amataina loa se suesuega, ma na papatisoina o ia mulimuli ane. Aua lava neʻi manatu faatauvaa i le mana o le agaga o le Atua, tau ina ia tatou faaaogā lelei e lē aunoa pepa valaau a o tatou matuā faatinoina lelei la tatou faiva.—Tagai foi i La Tatou Faiva o le Malo o Fepuari 1994, itulau 1.