Le Tala e Fai Atu e Uiga i Mekasini

Le Olomatamata Ianu. 1

“Pe sa e tau mānatu i le māfuaaga ua sologa lelei ai olaga o isi tagata ae o loo fememeaʻi isi e tau saʻili ni mea e ola ai? O loo iai se faamatalaga a le Tusi Paia e uiga i lenei mea. [Faitau le Iopu 34:19.] Ua faamatalaina e lenei mekasini le auala e finagalo le Atua e aveesea ai le faia o faaeseesega i vaega o tagata.”

Awake! Ianu. 8

“Ua tatou iloa uma lava tala e uiga i le mala lea o loo gatete ai le lalolagi. Talu mai lenā taimi, ua matuā manaʻomia ai lava e tagata se faamāfanafanaga ma se fesoasoani. I lenei mataupu, o loo aofia i mea o loo faamatalaina ai, mea na faia e Molimau a Ieova e fesoasoani ai i tagata na sao mai, o ē o loo galulue mo faalavelave faafuaseʻi, ma tagata lotofaavauvau ona o ē pele ua maliliu.”

Le Olomatamata Ianu. 15

“E toʻatele tagata e latou te faaaogāina faatusa i a latou tapuaʻiga. Pe e te manatu o iai i na mea ni mana e faaola ai? [Tuu le avanoa mo se tali.] Seʻi mātau foʻi faamolemole le mea o le a faia e le Atua moni mo i tatou. [Faitau le Faaaliga 21:3, 4.] E na o se Atua lava e moni, e mafai ona faataunuuina na mea. Ua faaalia mai i lenei mekasini po o ai o ia, ma le auala e mafai ona tatou maua ai aogā mai le faatuatua atu iā te ia.”

Ala Mai! Ianu.-Mati

“Pe e te ioe o lea ua foliga mai ua ola tagata i aso nei i popolega e sili atu ona tele na i lo le mea na iai muamua? [Tuu le avanoa mo se tali.] Na valoia mai e le Tusi Paia lenei mea. [Faitau le 2 Timoteo 3:1.] E toʻatele tagata ua latou iloa le faigatā o le olaga ma ua latou fiu ai. Ua aumaia i lenei mekasini faalaeiauga moni. Ua faaali mai ai le auala e tauivi ai ma le atuatuvale ae avea ai le olaga o se mea e tāua ona ola ai.”