Le Tala e Fai Atu e Uiga i Mekasini

Le Olomatamata Ianu. 1

“O loo momoo le toʻatele o tagata mo se lalolagi filemu. O le ā sou silafia, faamata o le a tatou vaaia faataunuuga o upu nei? [Faitau le Salamo 46:9. Ona faatali lea mo se tali.] O loo talanoaina e Le Olomatamata lenei, le auala e faataunuu ai na upu, ma le māfuaaga e mafai ai ona tatou talitonu i le folafolaga a le Atua e uiga i se lalolagi e aunoa ma ni taua.”

Ala Mai! Ianu.-Mati

“E tatou te maofa i le tomai o loo i meaola e fesootaʻi ai. Ae e te silafia e iai nisi o itu e sili atu ai ona tutasi le tagata? [Tuu le avanoa mo se tali. Ona faitau lea o le Salamo 65:2.] Ona e tatou te lē pei o meaola, tatou te faanaunau ai e fesootaʻi atu i le Atua. O loo talanoaina i lenei mekasini le auala e mafai ai ona tatou faia ni fesootaʻiga lelei e lē gata i tagata ae faapea foʻi ma le Atua.”

Le Olomatamata Ianu. 15

“Talu ai le tele o folafolaga lē taunuu i aso nei, atonu ua faafaigatā ai i le toʻatele o tagata ona talitonuina se tasi. O le ā sou manatu, pe e iai se tasi e mafai ona tatou faatuatuaina ana folafolaga? [Faatali mo se tali. Ona faitau lea o le Iosua 23:14.] Ua faaalia i lenei mekasini le auala e mafai ai ona tatou faatuatuaina folafolaga a le Atua ia e faamauina i le Tusi Paia.”

Awake! Ianu. 22

“O le auala lenei e tusia ai le suafa o le Atua i le gagana Eperu. [Faaali i ai le faavaa.] Ua talitonu nisi tagata e lē tatau lava ona taʻua atu lenei suafa. O isi e fiafia e faaaogā e lē aunoa. Ua talanoaina i lenei lomiga o le Awake! lenā eseesega. O loo talanoaina ai foʻi le auala e mafai ona tatou iloa atili ai le Atua ona ua tatou iloa lona suafa.” Faitau le Salamo 83:18.