Le Tala e Fai Atu e Uiga i Mekasini

Le Olomatamata Mati 1

“I le tele o le mau mea o loo tutupu i aso nei, o le toʻatele o i tatou o loo tau mānatu po o le ā se mea o le a fotuaʻi mai i le lumanaʻi. I se tatalo ua lauiloa, na faailoa atu ai e Iesu Keriso le pogai e mafai ai ona tatou vaavaai atu ma le mautinoa i le lumanaʻi. [Faitau le Mataio 6:9, 10.] O loo faia pea lava e tagata mea sesē na faia i aso ua mavae. Ae i na aso, na maua e i latou sa auauna i le Atua se lumanaʻi fiafia. Ua faaalia i lenei mekasini le auala e mafai ai foʻi e i tatou ona faia faapea.”

Awake! Mati 8

“Ua faamamafaina e le Tusi Paia le tāua o le lelei o aʻoaʻoga. [Faitau le Faataoto 2:10, 11.] Ua iloa e le toʻatele o i tatou le tāua tele ona maua e tamaiti o ni faiaʻoga agavaa. Ua faamatilatila e le Awake! le vaega tāua a faiaʻoga, le auala e ao ona tatou talisapaia ai ia faataulagaina ua latou faia, ma le mea e mafai ona fai e mātua e fesoasoani ai iā i latou i la latou galuega fitā.”

Le Olomatamata Mati 15

“Pe e te ioe e faapea, o se pulega amiotonu o le a mafaia ai ona avea lenei lalolagi ma nofoaga e sili atu ona lelei e ola ai? [Tuu le avanoa mo se tali.] Faamolemole mātau le mea o loo folafola mai i le Tusi Paia. [Faitau le Salamo 37:11.] E mafai ona tatou olioli i lea filemu, o le a avea ma mea moni i lalo o le taʻitaʻiga a se Taʻitaʻi e lelei atoatoa lea e faailoa atu i nei mataupu.”

Awake! Mati 22

“E lē mafaitaulia tagata ua maliliu ma mea ua faatamaʻia, ona o mafuiʻe. E masani lava ona tuua ai tagata na sao mai ai ua leai ni fale e nonofo ai, ma lē mafai foʻi ona toe oo i se lelei. Ua faaalia i lenei lomiga o le Awake! le auala na mafai ai e le toʻatele o tagata na lavevea ai ona faafesagaʻia āuga leaga ina ua mavae se mafuiʻe. Ua faamatala mai ai foʻi le auala ua avea ai mafuiʻe ma vala e matuā tāua o valoaga o le Tusi Paia.”