Le Tala e Fai Atu e Uiga i Mekasini

Le Olomatamata Fepu. 1

“E toʻatele tagata i aso nei ua popole i le leai o ni galuega, ae o nisi ua matuā omia lava i galuega. E te manatu e mafai ona maua le fiafia ma le saogalemu i galuega? [Tuu le avanoa mo se tali. Ona faitau lea o le Isaia 65:21-23.] O loo talanoaina e lenei lomiga o Le Olomatamata le taimi o le a maua ai e tagata uma galuega faamalieloto.”

Ala Mai! Ianu.-Mati.

“E toʻatele tagata ua popole ona o le faatuputupulaʻia o faiga sauā. O le ā sou manatu o ā lagona o le Atua e faatatau i nei faiga sauā? [Tuu le avanoa mo se tali.] Sei matau mai faamolemole po o le ā ua folafolaina mai e le Atua. [Faitau Isaia 60:18.] I le lomiga lenei o le Ala Mai! o loo iai se mataupu o loo talanoaina ai le silafaga a le Atua e faatatau i faiga sauā ma o afea foʻi o le a faaiʻuina ai.”

Le Olomatamata Fepu. 15

“O le toʻatele o tagata i Samoa e talitonu i le Atua. O nisi latou te faapea mai o loo soifua o ia ae peitaʻi latou te lagona o loo mamao o ia ma i latou. Pe sa e mātauliaina lenā mea? [Tuu le avanoa mo se tali.] Matau pe aiseā e tāua ai le iloa lelei o le Atua. [Faitau Ioane 17:3.] E tusa ai ma lea tulaga, o le a faafiafiaina oe i mataupu o lenei lomiga.”

Awake! Fepu. 22

“Pe e te manatu na fuafuaina e le Atua ina ia mafatia tagata i le lē lava o meaʻai paleni e aofia ai ma tamaiti? [Tuu le avanoa mo se tali.] Matau mai lenei folafolaga faamāfanafana loto o loo maua i le Tusi Paia. [Faitau Salamo 72:16.] O loo talanoaina i lenei lomiga o le Awake! le māfuaaga o le lē lava o meaʻai paleni, ae o le mea sili ona tāua ua folafola mai e le Atua ua toe nei o se aga ona ia faamutaina loa lea.”