Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Aperila

“O le papatisoga o se tū masani i le toʻatele o Kerisiano. O le ā sou manatu? Pe e tāua le papatisoga? [Faatali mo se tali.] O loo iai i lenei mataupu nisi o manatu tāua.” Tuu atu i lē e ona le fale Le Olomatamata o Aperila 1, ma talanoa faatasi manatu i lalo o le tamaʻi ulutala muamua i le itulau e 16 ma se mau se tasi. Ofo mekasini ma fuafua e toe foʻi atu e asi ma talanoa le fesili e sosoo ai.

Le Olomatamata Aperila 1

“E tele talitonuga e faatatau iā Iesu. O nisi e manatu o ia o le Mesia na folafolaina mai. O isi e manatu ua na o ia o se tagata lelei. Ae o isi e talitonu e leʻi soifua moni lava o ia. O le ā sou manatu? [Faatali mo se tali.] E tusa ai ma le Tusi Paia, e tāua tele ona iloa le mea moni e faatatau iā Iesu. [Faitau le Ioane 17:3.] O loo faaalia i lenei mekasini tali mai i le Tusi Paia i nisi o fesili masani e faatatau iā Iesu.”

Ala Mai! Aperila-Iuni

“Ua taatele i faiga faapisinisi faiga faatogafalea ma isi faiga lē faamaoni. E manatu nisi e tatau ona iai sina lē faamaoni i faiga faapisinisi, ina ia taulau manuia ai. O le ā sou manatu? [Faatali mo se tali.] Seʻi mafaufau i lenei faataoto faatupu manatu. [Faitau le Faataoto 20:17.] O loo faamatalaina i lenei mekasini māfuaaga e tāua ai ona faamaoni.”