Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Aperila

“E matou te faalaeiauina o matou tuaoi e faitau le Tusi Paia. Peitaʻi, o le toʻatele o tagata e faigatā ona malamalama i le Tusi Paia. Ae o le ā sou manatu? [Faatali mo se tali.] Seʻi mātau le manatu lenei.” Faasino i ai le mataupu i le pito i tua o le Olomatamata o Aperila 1, ma talanoa faatasi manatu i lalo o le tamaʻi ulutala muamua faapea se mau o loo iai. Ofo le mekasini ma fai se fuafuaga e toe foʻi e talanoa le fesili e sosoo ai.

Le Olomatamata Aperila 1

“O tagata uma lava e feagai ma faafitauli. O lea, e mafaufau ai nisi po o le ā le fuafuaga o lenei olaga. O le ā sou manatu, o le ā se māfuaaga autū ua faigatā ai ona maua le fiafia i aso nei? [Faatali mo se tali.] Ua folafola mai e le Tusi Paia, ua toeitiiti ona aveesea lea e le Atua faafitauli uma o loo tatou fesagaʻia i aso nei. [Faitau le Faaaliga 21:4.] O le a faamatala e lenei lomiga mea mataʻina o le a tutupu i le lumanaʻi, ma e faapefea foʻi ona tatou maua se olaga fiafia i le taimi lenei.”

Ala Mai! Aperila–Iuni

“Pe e te talitonu e lē o toe faigofie i aso nei le tausia aʻe o se aiga? [Faatali mo se tali.] E maua e le toʻatele o mātua le tele o fautuaga aogā mai le Tusi Paia. O se faataʻitaʻiga, ua fesoasoani le mau lenei i tamā e saʻili ai ni avanoa e avatu ai le faamālō i a latou fanau, ma atiaʻe ai iā i latou se uiga mautinoa i le auala e gaoioi ai. [Faitau le Kolose 3:21.] O loo faamatilatila i lenei lomiga mataupu silisili e lima e fesoasoani ai i tamā e faia faapea.”