Molimau a Ieova—Gaoioiga o le Faatuatua, Vaega 2: Ia Susulu Atu le Malamalama

Ina ua faasaʻoloto mai i le falepuipui le uso o Rutherford ma ana aumea i le 1919, e telē se galuega na faatalitali mai mo Tagata Aʻoga o le Tusi Paia. E pei ona faaalia i le vitiō Jehovah’s Witnesses—Faith in Action, Part 2: Let the Light Shine, e toʻatele ē na tetee i Tagata Aʻoga o le Tusi Paia, ae na faaauau ona faateteleina lo latou malamalama i le Tusi Paia, ma faaleleia atili lo latou faatuatua. (Faata. 4:18; Mala. 3:1-3; Ioa. 15:20) Pe a māeʻa ona matamata i le vitiō, pe e mafai ona e taliina fesili nei?

(1) O ā metotia na faaaogā e Tagata Aʻoga o le Tusi Paia e faalauiloa atu ai le tala lelei? (2) O le ā na faasilasila i tauaofiaga faapitoa i le 1931 ma le 1935? (3) O ā faamatalaga tāua na talanoaina i le Watchtower o Novema 1, 1939? (4) Faamatala se mea na tupu i Madison Square Garden a o faasolo le lauga a le uso o Rutherford, e faamatuaina “Government and Peace.” (5) O le ā se mea mataʻina e uiga i le lauga a le uso o Knorr e faamatuaina “Peace—Can It Last?” (6) I le 1942, o ā fuafuaga na faia e Molimau a Ieova ina ia faalautele atu ai la latou galuega talaʻi? (7) Faamatala mai nisi o fetauaʻiga faaletulafono na faia i le Iunaite Setete, Kanata ma Eleni. (8) Na faapefea ona faatuputupulaʻia le galuega talaʻi ona o le aʻoga o Kiliata? (9) O le ā le galuega tāua na amata i le 1946, ma aiseā? (10) O ā laasaga na uia e Molimau a Ieova ina ia faamautinoa o loo ōgatusa a latou amio ma tapulaa a le Tusi Paia? (11) Faamatala nisi o fetuunaʻiga na faia i vaitausaga o le 1970, ina ia faamautinoa o loo mulimulituʻi le faalapotopotoga i faaaʻoaʻoga o loo i le Tusi Paia? (12) E faapefea i le matamata i lenei vitiō ona e matuā talisapaia ai e faapea, o loo pulea atoatoa e Ieova lenei faalapotopotoga ma o Ia e ana? (13) E faapefea i lenei vitiō ona faamalosia ai lou naunautaʻiga ia faaauau ona maelega i le talaʻiga e ui i toʻatugā? (14) E faapefea ona tatou faaaogā lenei vitiō e fesoasoani ai i o tatou tauaiga, tagata aʻoga o le Tusi Paia ma isi?

O aso taʻitasi e mavae atu e faaopoopoina ai se mataupu fou i le talafaasolopito o Molimau a Ieova. O le ā o le a taʻua i faamaumauga e uiga i a tatou taumafaiga i le faiva? E pei ona faia e o tatou uso i aso ua mavae, tau ina ia faaauau ona tatou maelega e ʻfaasusulu atu le malamalama’!—2 Kori. 4:6.