Po o le a E Paeonia Lagolago?
1. Aiseā e avea ai le vaitaimi o le Faamanatuga o se taimi lelei e faalautele ai la tatou faiva?
1 O le vaitaimi o le Faamanatuga, o se taimi lelei lea e faalautele ai la tatou faiva, ma manatunatu i le alofa silisili o Ieova i le saunia o lona Alo e fai ma taulaga. (Ioa. 3:16) E tatou te matuā lotofaafetai ai iā Ieova, ma uunaʻia atili ai i tatou e talanoa atu i isi e uiga iā te ia ma mea ua ia faia mo tagata. (Isa. 12:4, 5; Luka 6:45) E tatou te fiafia foʻi i lenā taimi i se tauiviga faapitoa e valaaulia ē e tatou te faigaluega ma aʻoʻoga faatasi, ma tagata i le oganuu e auai faatasi ma i tatou i le Faamanatuga. Pe a uma, e tatou te taumafai e atiaʻe lo latou fiafia. Po o le a faalautele atu lau faiva e ala i le paeonia lagolago iā Mati, Aperila po o Me?
2. Aiseā e avea ai Mati o se masina lelei e paeonia lagolago ai?
2 Ia Avea Mati ma Masina Faapitoa: O le a avea Mati o se masina sili ona lelei e paeonia lagolago ai. E filifili ē ua talosaga e paeonia e ausia itula e 30 pe 50. Pe afai e paʻū le asiasiga a le ovasia o le matagaluega iā Mati, e mafai ona auai paeonia lagolago i le fono atoa a le ovasia faatasi ma paeonia sauatoa ma paeonia faapito. O le a faia le Faamanatuga iā Mati, 26, 2013. O le a amata le tauiviga mo le tufaina o valaaulia iā Mati 1, ma o le a umi atu i lenei tausaga. Talu ai e lima faaiʻuga o vaiaso o Mati, aiseā la e lē iloilo ai pe mafai ona e paeonia i lenei masina faapitoa o le tausaga?
3. O ā ni fuafuaga e fai ina ia faalautele ai la tatou faiva?
3 Fuafua Nei Loa: O le taimi lenei e toe tilofaʻia ai lau faasologa ma faia ni fetuunaʻiga manaʻomia ina ia e paeonia ai. E tāua foʻi le lagolagosua a le aiga. Ia talanoa faatasi i le Tapuaʻiga a le Aiga sini o lou aiga ma fai se faasologa. (Faata. 15:22) Afai e lē mafai ona e paeonia lagolago, aua le lotovaivai ai. Ia fetuunaʻi lau faasologa ina ia e galue umi i aso e te talaʻi ai, pe faaopoopo se isi ou aso talaʻi o le vaiaso.
4. O ā aogā e maua a o faateleina lo tatou sao iā Mati, Aperila ma Me?
4 A o faateleina lo tatou sao iā Mati, Aperila ma Me, o le a faateleina lo tatou olioli ma le faamalieina i le auauna iā Ieova ma isi. (Ioa. 4:34; Galu. 20:35) Ae sili ai o le a fiafia Ieova i a tatou taumafaiga faataulaga.—Faata. 27:11.