Amata iā Mati 1 le Tauiviga mo le Faamanatuga
1. (a) O afea e amata ai le tauiviga mo le Faamanatuga? (e) Aiseā ua umi ai le tauiviga i lenei tausaga?
1 I le Aso Faraile, Mati 1, o le a amata ai le tauiviga faaletausaga e valaaulia isi e auai faatasi ma i tatou i le Faamanatuga, e faia iā Mati 26. O le a umi teisi le tauiviga i lenei tausaga. O le fuafuaga, ina ia maua e le toʻatele se tusi valaaulia, aemaise lava tagata e nonofo i vaipanoa a faapotopotoga e tetelē a latou oganuu.
2. O ā faatulagaga ua faia mo le mauaina o valaaulia ma le galueaʻiina o le oganuu?
2 Ia Maopoopo: O le a aumaia e toeaina taʻiala i le auala e galueaʻiina ai le oganuu, ma pe faamata e tuu ni valaaulia i fale e lē o iai ni tagata. Pe afai e totoe ni tusi valaaulia pe a uma le talaʻiga mai lea fale i lea fale, e ono mafai ona tufa i le talaʻiga i nofoaga faitele. E faamautinoa e le ovasia o le auaunaga o loo lava le sapalai o valaaulia mo le ʻautalaʻi, e auauaʻi ona tuu i le laulau o tusi po o mekasini. Ia ave na o tusi valaaulia e manaʻomia mo le vaiaso.
3. O le ā e tatau ona tatou manatua pe a ofo le tusi valaaulia?
3 Le Auala e Fai Ai: Ina ia tatou oo atu i le toʻatele o tagata i le tele e mafai ai, ia faapuupuu. O loo iai i le itulau e 4 se taulimaga faataʻitaʻi e mafai ona fetuunaʻi e fua i le oganuu. E lē manaʻomia ona tatou ō ese faatopetope pe afai e faaleuō mai pe iai ni fesili a le tagata o le aiga. Pe a auai i le tufaina o valaaulia i faaiʻuga o vaiaso, e tatau foʻi ona ofo mekasini pe a talafeagai. Iā Mati 2, o le a tatou taulaʻi atu i le tufaina o le tusi valaaulia nai lo o le amataina o suʻesuʻega faale-Tusi Paia.
4. Aiseā e ao ai ona fai so tatou sao maelega i le tauiviga?
4 E faamoemoe o le a toʻatele e auai faatasi ma i tatou i le Faamanatuga. O le a faamatalaina i le lauga po o ai moni Iesu, le māfuaaga e tāua ai ona manatua o ia, ma aogā o lana taulaga iā i tatou. (1 Kori. 11:26; Ioa. 17:3; Roma 6:23) Tau ina ia faia so tatou sao maelega i lenei tauiviga!