E Amata iā Mati 22 le Tauiviga mo le Faamanatuga

E faalaeiauina tagata uma e fai se sao atoatoa i le tufatufaina o le valaaulia mo le Faamanatuga o lenei tausaga, lea e amata i le Aso Toonaʻi, iā Mati 22. E mafai ona ofoina i faaiʻuga o vaiaso mekasini fou, pe a talafeagai. I le Aso Toonaʻi muamua o Aperila, o le a tatou taulaʻi atu i le tufatufaina o le valaaulia nai lo o le amataina o suʻesuʻega faale-Tusi Paia. Peitaʻi, pe afai e faaalia e se tasi le naunau fiafia, e mafai ona tatou taumafai e amata se suʻesuʻega. E filifili e le ovasia o le auaunaga pe faamata e aogā le tufatufaina atu o le valaaulia i nofoaga faitele, lea e maua ai le toʻatele o tagata. Ia fai nei sau lisi o ou tauaiga, o i latou e tou te faigaluega faatasi, aʻoʻoga faatasi, o toe asiga, ma isi e te masani ai, ma avatu iā i latou se valaaulia pe a amata le tauiviga. E faamoemoe o le a auai mai le toʻatele e tatou te faamanatu faatasi faamaoniga silisili e lua o le alofa.—Ioa. 3:16; 15:13.