Ia Fetuutuunaʻi Lau Taulimaga

O le naunau i tagata e uunaʻia ai i tatou ia iloa o latou popolega, ma faailoa i ai o le a saunia e le Malo le vaifofō mo o latou faafitauli. (Fili. 2:4) O se taulimaga e fetuutuunaʻi ua iloa e le ʻautalaʻi le aogā, o le fesili lea i le tagata o le aiga i sona manatu i ata o le Parataiso i a tatou lomiga, e pei o ia o loo i le itu taumatau o le itulau lenei. E mafai ona e fesili i le tagata i se tasi o taulimaga nei:

◼ “O le ā sou taofi, pe e iai se taimi o le a olioli ai aiga i tulaga e pei ona iai i lenei ata?”

◼ “E tatou te mananaʻo uma lava ina ia olioli a tatou fanau i se lalolagi o loo vaaia i inei. O le ā sou taofi i le mea e manaʻomia ina ia faataunuu ai?”

◼ “O se ata lenei o le lalolagi pe a faia le finagalo o le Atua i le lalolagi e pei ona faia i le lagi. Po o e mātauina se mea e ese mai i le olaga i aso nei?”

◼ “Pe e te manaʻo e soifua i se olaga faapenei? [Faatali mo se tali.] Pe e te manatu o le a tupu i o tatou aso?”

Faalogo lelei i le tali a le tagata, ma taumafai ia iloa le manatu o le tagata i le fai atu i ai o se fesili se tasi pe lua. Pe afai e tali mai le tagata e lē manaʻo e ola i tulaga e pei ona vaaia i le ata, po o le faapea mai e lē talitonu o le a tupu lenā mea, aua le vave manatu e lē fiafia le tagata. Ia fesili atu ma le faautauta pe aiseā ua latou lagona ai faapea. E ono faaalia i a latou tali lo latou manatu mamafa i faafitauli o tagata, e foliga mai e lē mafai ona foʻia.—Eseki. 9:4.

Ia fetuutuunaʻi lau taulimaga e fua i mea ua e iloa o loo faapopoleina ai le tagata o le aiga. Ia faamatilatila le vala o le feʻau o le Malo e talafeagai tonu ma lona popolega. Ia faailoa i ai se mau se tasi pe lua e fesootaʻi i lona popolega. (Tagaʻi i fautuaga i le itu taumatau o le itulau.) Faitau i ai le Afioga a le Atua ina ia pāʻia lona loto. A fiafia o ia, ia ofo atu i ai se lomiga ma faatulaga e toe asiasi atu i ai. Ia ati aʻe atili la oulua uluaʻi talanoaga.

[Pusa i le itulau 6]

Faaaʻoaʻoga o Ata o le Parataiso

Tusi Faiaʻoga: itulau 251-254

Tusi Le Poto: itulau 4-5, 188-189

Polosiua Manaomia: itulau 11, 13

Tusi Le Manuia Moni: itulau 98

Tusi Tapuaʻi i le Atua: itulau 92-93

[Ata i le itulau 6]

Mea o Loo Popole ai Tagata

Amioleaga

2 Timoteo 3:1-5

Oge, matelāina

Salamo 72:16;

Isaia 25:6

Faailogalanu, faailogatagata

Isaia 11:3-5;

Galuega 10:34, 35

Faaleagaina o le lalolagi

Faaaliga 11:18

Faigāmalo lē taulau

Salamo 146:3, 4;

Tanielu 2:44

Faileaga o meaola

Faataoto 12:10

Fale, faafitauli tautupe

Isaia 65:21, 22

Lē faamaoni, faiga lē tonu

Isaia 9:6, 7;

2 Peteru 3:13

Maʻi, lē atoatoa le malosi

Isaia 33:24; 35:5, 6

Mafatiaga

Salamo 34:8;

Isaia 65:17-19

Maliu, faavauvau

Isaia 25:8;

Faaaliga 21:3, 4

Mativa, pule sauā

Salamo 72:12-14;

Failauga 8:9

Solitulafono, sauā

Salamo 37:10, 11;

Faataoto 2:21, 22

Taua, faiga faatupu faalavelave

Salamo 46:8, 9;

Mika 4:3, 4