“Tagaʻi Foʻi i Ata!”

E faafia ona e faia lenā tala pe a e maua se mekasini fou? E iai māfuaaga na saunia lelei ai ata mananaia i mekasini. E fesoasoani e aʻoaʻoina ai i tatou e mafaufau ma lagona se mea tāua. E sili ona aogā na ata pe a tatou sauniuni lelei ma fai se sao i le Suʻesuʻega o Le Olomatamata.

O se faataʻitaʻiga, ia manatunatu loloto i le māfuaaga na filifilia ai le ata i luga aʻe o le mau autū o suʻesuʻega taʻitasi. O le ā ua faailoa mai i lenā ata? E faapefea ona fesootaʻi atu i le ulutala autū po o le mau autū o le mataupu? Ia mafaufau po o le ā le fesootaʻiga o isi ata uma i le suʻesuʻega, ma po o le ā se aafiaga i lou olaga.

O le a tuu atu e le fai suʻesuʻega o le Olomatamata le avanoa i le faapotopotoga e faaopoopo mai ai i ata taʻitasi, ma faamatala pe faapefea ona fesootaʻi atu ata i lesona o le mataupu, ma se aafiaga iā i latou. Ua saunia faamatalaga o ata e iloa ai le fesootaʻiga o le ata i se palakalafa patino. Ae i nisi taimi, e ono filifilia foʻi e le fai suʻesuʻega le palakalafa e sili ona talafeagai e faamatala ai ata taʻitasi. O lenei auala, o le a maua ai e tagata uma aogā ma fesoasoani i le ʻaufaitau e faaāta i mafaufau lesona o loo i le Tusi Paia.

Na taʻua e se uso, ʻPe a māeʻa ona faitau i se mataupu manaia, o ata e teuteua le mea atoa.’