Faavae Talitonuga Taatele Mai Isi Talitonuga

NA TUSI le aposetolo o Paulo i Kerisiano o ē na i le afa mulimuli o le uluaʻi senituri T.A., ina “ia faaeteete.” O le ā e ao ona faaeteete i ai? “Ina neʻi maileia outou e se tasi i filosofia ma tala faasesē lē aogā e tusa ma tū masani a tagata.”—Kolose 2:8.

E ui i lapataʻiga a Paulo, mai i le afa o le senituri lona lua T.A. na amata ona faaaogā e nisi Kerisiano talitonuga o le ʻaufaifilosofia anamua e faamatala ai o latou talitonuga. Aiseā? Ina ia taliaina ai i latou e tagata aʻoaʻoina o le Emepaea o Roma, ma tele ai nisi e liulotu.

Na talitonu se Kerisiano lauiloa o Justin Martyr e faapea, a o leʻi taitai afio mai Iesu na faaali mai le Upu a le Atua i le ʻaufaifilosofia Eleni. E tusa ma le manatu o Justin ma isi aʻoaʻo, ua avea le faa-Kerisiano ma tapuaʻiga e sili ona tāua i tagata ona ua aofia ai filosofia ma talitonuga mai anamua.

Na taulau le faa-Kerisiano na uunaʻia e Justin Martyr ona na tele tagata na liulotu ai. Peitaʻi o le taliaina o se talitonuga e lē moni na iʻu ai ina fafau aʻe isi talitonuga e lē moni ma maua ai talitonuga faa-Kerisiano o loo iai nei. Ina ia iloa pe moni nei talitonuga, ia faatusatusa faamatalaga mai lomifefiloi eseese ma faamatalaga a le Tusi Paia.

[Ata i le itulau 3]

[Ē Ana le Ata i le itulau 3]

Tiapolo: Barrators—Giampolo/The Doré Illustrations For Dante’s Divine Comedy/Dover Publications Inc.; agelu: Art Resource, NY; tolutasi: Museo Bardini, Florence