Taulimaga Faataʻitaʻi

Ina ia Amata ai Suʻesuʻega Faale-Tusi Paia i le Aso Toonaʻi Muamua o Fepuari

“Pe e te manatu e iai se faalapotopotoga a le Atua i aso nei, pe e na o tagata taʻitoʻatasi e feutagaʻi i ai o ia? [Faatali mo se tali.] Ia mātau le mea lenei e faatatau i tagata na faapotopoto e le Atua i le tele o tausaga ua mavae. Ia suʻe i le itulau e 26 o Le Olomatamata o Fepuari 1, ma iloilo faatasi faamatalaga i lalo o le tamaʻi ulutala muamua ma se mau se tasi o loo sii mai. Ofo le mekasini, ma fai se fuafuaga e toe foʻi atu e talanoa le fesili e sosoo ai.

Le Olomatamata Fepuari 1

“I tausaga e leʻi mamao atu, ua tele ina talanoaina ai le mataupu e faatatau iā Amaketo. Pe e te manatu e iai se mea e mafai ona fai e tagata ina ia taofia ai le oo mai o Amaketo? [Faatali mo se tali.] O le mau lenei o loo maua ai le upu ʻAmaketo.’ [Faitau le Faaaliga 16:16. Ona faaali lea i ai o le faavaa o le mekasini.] O loo talanoaina i lenei mekasini tali mai i le Tusi Paia i nei fesili.”

Ala Mai! Ianuari-Mati

“I le asō, o loo matou asiasi ai i aiga uma. O le ā sou manatu, o le ā le sini o le toʻatele o mātua i aso nei mo a latou fanau? [Faatali mo se tali.] Seʻi manatu i le iʻuga fiafia e iʻu i ai pe afai e faailoa atu e mātua i fanau le manatu lenei. [Faitau le Isaia 48:17, 18.] Ua faaalia i le mataupu lenei i le itulau e 26, fautuaga mai i le Tusi Paia ina ia taulau ai mātua i lo latou sini mo fanau.”