Mapisarema

112 Rumbidzai Jah!*+

א [Aleph]

Anofara munhu anotya Jehovha,+

ב [Beth]

Anofarira mirayiro yake zvikuru.+

ג [Gimel]

 2 Vana vake vachava nesimba guru panyika,

ד [Daleth]

Uye chizvarwa chevakarurama chichakomborerwa.+

ה [He]

 3 Zvinhu zvinokosha nepfuma zviri mumba make,

ו [Waw]

Uye kururama kwake kunogara kuripo nekusingaperi.

ז [Zayin]

 4 Anopenya murima sechiedza kune vakarurama.+

ח [Heth]

Ane tsitsi* nengoni+ uye akarurama.

ט [Teth]

 5 Munhu anopa chikwereti nekuti anonzwira nyasha zvinomufambira zvakanaka.+

י [Yod]

Anoita mabasa ake zvakarurama.

כ [Kaph]

 6 Haazombozununguswi.+

ל [Lamed]

Munhu akarurama achayeukwa nekusingaperi.+

מ [Mem]

 7 Haazotyi mashoko akaipa.+

נ [Nun]

Mwoyo wake wakadzikama, unovimba naJehovha.+

ס [Samekh]

 8 Mwoyo wake hauzununguki; haatyi;+

ע [Ayin]

Pakupedzisira achatarisa mhandu dzake adzikunda.+

פ [Pe]

 9 Akapa vakawanda; akapa varombo.+

צ [Tsade]

Kururama kwake kunogara nekusingaperi.+

ק [Qoph]

Simba rake* richakwidziridzwa nekukudzwa.

ר [Resh]

10 Munhu akaipa achazviona ogumbuka.

ש [Shin]

Acharumanisa mazino ake, onyangarika.

ת [Taw]

Zvido zveakaipa zvichaparara.+