Zviziviso
◼ Mabhuku achashandiswa mukati maFebruary: Zvakazarurwa—Mugumo Wazvo Une Mbiri Wava Pedyo! nokuda kwe$15,00. March: Zivo Inotungamirira Kuupenyu Husingaperi nokuda kwe$5,00 kana kuti Iwe Unogona Kurarama Nokusingaperi muParadhiso Pasi Pano nokuda kwe$15,00. (Chinyorwa chiduku: $7,50). April naMay: Kuzvinyoresa kweNharireyomurindi nokuda kwe$25,00 nokuda kwegore rimwe kana kuti $12,50 nokuda kwemwedzi mitanhatu. Mundima inowanzofukidzwa, bhurocha ripi neripi (kunze kwemabhurocha eDzidzo neSchool) ringagoverwawo nokuda kwe$1,50. CHEREKEDZAI: Ungano dzisati dzaodha zvinhu zvenhimbe zvadudzwa pamusoro apa dzinofanira kuita kudaro paFomu radzo reOdha Yemabhuku (S-14) romwedzi nomwedzi rinotevera.
◼ Munyori nomutariri webasa vanofanira kuhwirudzura mubato wemapiyona ose enguva dzose. Kana vapi nevapi vari kuva nechinetso chokusvitsa chinodikanwa chamaawa, vakuru vanofanira kuronga kuti rubatsiro rupiwe. Hwirudzurai mapfundo ari mundima 12-20 dzewedzero yoUshumiri Hwedu hwoUmambo hwaNovember 1986.
◼ Kuchengetwa kweChirangaridzo kuchaitwa paChipiri, April 2, 1996. Kunyange zvazvo hurukuro yacho ingatanga nokukurumidza, tapota yeukai kuti kupfuudzwa kwechingwa newaini zveChirangaridzo hakufaniri kuvamba kusvikira pashure pokudoka kwezuva. Nzverai nezvinhu zvomunzvimbomo kuti muzive apo kudoka kwezuva kunoitika munharaunda yenyu. Hapana misangano kunze kweiyo yebasa romumunda inofanira kuitwa pamusi iwoyo. Kana ungano yenyu ichiwanzova nemisangano paChipiri, mungada kuchinjira iyoyi kurimwe zuva revhiki kana Horo yoUmambo ichiwanika.
◼ Vaparidzi vanoshuva kubatira samapiyona ebetsero muna March, April, uye May vanofanira kuita rongedzero dzavo zvino ndokupinza kumbiriso dzavo nokukurumidza. Ikoku kuchabetsera vakuru kuita gadziriro dzebasa romumunda dziri madikanwa ndokuva nemagazini akakwana uye mamwe mabhuku.
◼ Tava kunonoka zvakare kugamuchira mishumo yeungano dzakawanda pahofisi yedu. Tapota ivai nechokwadi chokutumira mushumo wenyu kuhofisi yedu pasati pari pashure perechitanhatu romwedzi unotevera. Mishumo yavaparidzi inogamuchirwa pashure pokunge matumira mushumo wenyu weungano inogona kubatanidzwa nomushumo womwedzi unotevera.
◼ MUNYORI: Tapota ivai nechokwadi chokunzvera kaviri mushumo wenyu nokuda kwokururama musati mautumira kuhofisi yedu. Kana usina kuzadzwa zvakarurama, tingafanira kukudzorerai kadhi renyu reS-1 nokuda kweruramiso. Kunzvera kaviri mushumo musati mautumira kuchabetsera kudzivisa ikoku.
◼ Tinofara kuzivisa kugadzwa kwomumwe muchatisi. Iyeyu ndiHama Effort Mugabe veUngano yeMabelreign muHarare.