Zviziviso
◼ Mabhuku anogoverwa nokuda kwaJanuary: Rugare Rwechokwadi Nokuchengeteka Ungaruwana Sei? kana kuti Chengeteko Yenyika Yose Mukudzora kwo“Muchinda woRugare” nokuda kwe$7,00 rimwe. Bhuku ripi neripi rine mapeji 192 rakabudiswa 1984 asati asvika iro ungano inaro mudura ringagoverwa serokutsiva. February: Zvakazarurwa—Mugumo Wazvo Une Mbiri Wava Pedyo! nokuda kwe$20,00. Sechokutsiva shandisai bhuku ripi neripi rekare rine mapeji 192 ramunaro mudura. March: Chakavanzika Chomufarwa Wemhuri nokuda kwe$7,00. April: Kuzvinyoresa Nharireyomurindi neMukai! nokuda kwe$40,00 nokuda kwegore rimwe kana kuti $20,00 nokuda kwemwedzi mitanhatu. (Cherekedzai Mukai i$20,00 nokuda kwegore rimwe.) Nokuda kwendima inogarofukidzwa, bhurocha idzva, Mwari Anodei Kwatiri?, ringashandiswa.
◼ Vaparidzi vose vakabhabhatidzwa vanenge varipo paMusangano Webasa vhiki yaJanuary 6 vachapiwa kadhi reAdvance Medical Directive/Release uye Identity Card nokuda kwevana vavo.
◼ Kutanga muna February, uye pasati pari pashure paMarch 2, hurukuro yavose itsva yevatariri vematunhu ichava “Shandisa Dzidzo Kurumbidza Jehovha.”
◼ Ungano dzinofanira kuita gadziriro dzakafanira dzokuchengeta Chirangaridzo gore rino paSvondo, March 23, pashure pokunyura kwezuva. Kunyange zvazvo hurukuro ingakurumidza kutanga, kufambiswa kwezviratidzo zveChirangaridzo hakufaniri kuvamba kutozosvikira pashure pokunyura kwezuva. Nzverai nemanyuko emashoko omunzvimbomo kuti muzive apo zuva rinonyura munharaunda menyu. Sezvo pasina misangano kunze kweiyo yebasa romumunda inofanira kuitwa pazuva iroro, gadziridzo dzakakodzera dzinofanira kuitwa dzokuti Fundo yeNharireyomurindi iitwe pane imwe nguva. Vatariri vematunhu vachafanira kugadziridza rudungwe rwavo rwemisangano rwevhiki yacho maererano nemamiriro ezvinhu omunzvimbomo. Kunyange zvazvo kuchishuviwa kuti ungano imwe neimwe ichengete Chirangaridzo chayo imene, ikoku kungasava kunobvira nguva dzose. Uko ungano dzakati kuti dzinowanzoshandisa Horo yoUmambo imwe cheteyo, zvichida ungano imwe kana kuti dzinopfuura dzinogona kuwana imwe nzvimbo yokushandisa madekwana iwayo. Chirangaridzo hachifaniri kunonoka kwazvo kutanga zvokuti vanhu vachangobva kufarira vanowana kusina kukodzera kuti vapinde. Uyewo rudungwe rwacho harufaniri kuva rwakanyanyotsvikinyidzana zvokuti hapana nguva yokukwazisa vaenzi kuchengeta kusati kwaitwa kana kuti pashure pacho, itai gadziriro dzorubatsiro rwomudzimu runopfuuridzira nokuda kwevanofarira, kana kuti farikanyai kungokurudzirana navo. Pashure pokurangarira zvakakwana zvinhu zvose, vakuru vanofanira kusarudza kuti igadziriroi dzichabetsera zvakanakisisa avo vanopinda Chirangaridzo kuti vabetserwe zvizere nechiitiko chacho.
◼ Hurukuro chaiyo yavose yenguva yeChirangaridzo ya1997 ichapiwa paSvondo, April 6. Ndaza ichagoverwa. Ungano dziya dzinenge dzine shanyo yomutariri wedunhu, gungano redunhu, kana kuti zuva regungano chairo kupera kwevhiki ikoko dzichava nehurukuro chaiyo vhiki inotevera yacho. Hapana ungano inofanira kuva nehurukuro chaiyo April 6 asati asvika.
◼ Mutumbi wavakuru unofanira kuziva kuti gadziridzo dzinotevera dzinodikanwa apo ungano inopinda magungano omunzvimbomo: Apo purogiramu yezuva regungano chairo inorongwa, ungano inofanira kuva nemisangano yayo yose yenguva dzose mukati mevhiki, kunze kwekuti Musangano Wavose neFundo yeNharireyomurindi zvinokanzurwa.
◼ Apo inorongwa kupinda gungano redunhu, ungano ichakanzurawo Chikoro Choushumiri Choubati Ushe hwaMwari neMusangano Webasa; Fundo Yebhuku Yeungano bedzi ichaitwa munzvimbomo mukati mevhiki iyoyo.
◼ Muna April 1992 takave nenhamba hurusa yemapiyona ebetsero ati ambonyoreswa mumwedzi mumwe. Mwedzi iwoyo 4 196 vakagoverana mubasa iri. Tinogona kusvikazve nhamba iyoyo April uno here? Tinokurudzira vose kutanga kufunga zvino pamusoro poupiyona hwebetsero mukati maMarch naApril gore rino.
◼ Sosaiti yave ichigamuchira tsamba dzisina kusainwa dzinobva kuvaparidzi vachinyunyuta pamusoro pemamiriro ezvinhu ari muungano mavo. Sezvatakataura kare, iyi haisiri nzira youbati ushe hwaMwari yokubata nayo nenhau dzakadaro uye Sosaiti sezvingabvira haipinduri tsamba dzisina kusainwa. Vaparidzi vanofanira kushuma kunyunyuta kupi nokupi kuvakuru vavo kana kuti zvimwe, kana vakanyorera hofisi yedu, vanofanira kusaina tsamba yacho ndokusiya kopi ine ungano.