“Madzidzisiro Aya Matsva!”

SOO-JEONG anodzidzisa pane imwe sekondari kuSouth Korea uye anoshandisa mavhidhiyo epajw.org mukirasi yake.Anoti: “Mafariro anoita vana pavanoona vhidhiyo inonzi Shamwari Yechokwadi Munhu Akaita Sei? anondishamisa! Mumwe akati, ‘Handina kumbobvira ndafunga kuti ndozvandinofanirawo kuita. Madzidzisiro aya matsva!’ Vamwe vana vakati vanoenda pawebsite iyi pese pavanenge vachitsvaga mazano.” Soo-jeong anowedzera kuti: “Ndakakurudzira vamwe vadzidzisi kuti vashandise vhidhiyo iyi uye vari kufara nekuti iri kuvabatsira pakudzidzisa.”

Imwe vhidhiyo iri kubatsira vana vakawanda kuSouth Korea inonzi Zvaungaita Kuti Vamwe Vasakudherera Asi Usingavarovi. Mumwe mudzidzisi anoshanda kusangano rinobatsira vana vane misikanzwa, rinonzi Juvenile Violence Prevention Foundation akaratidza kirasi yake vhidhiyo iyi. Anoti, “Vechidiki vanonakidzwa nemapikicha anenge achibuda muvhidhiyo yacho. Inoratidzawo zvavangaita kana vashungurudzwa uyewo zvavangaita kuti vasanetswa nevamwe.” Sangano iri rakakumbira kushandisa vhidhiyo iyi pese pavanenge vachidzidzisa vana vekupuraimari nevekusekondari uye vakabvumidzwa. Kunyange mapurisa ava kutoshandisawo mavhidhiyo ari pajw.org.

Wadii wambovhura website iyi kana wanga usati wamboendapo. Iri nyore kushandisa uye pane mavhidhiyo, zvekuteerera, Bhaibheri nemamwe mabhuku zvaunogona kudhaunirodha usingabhadhari.