Bhaibheri Nderekare Asi Richiri Kushanda
Vanhu vakawanda vanoremekedza chaizvo Bhaibheri. Asi haringogumiri pakutiudza zvatinofanira kuita pakunamata Mwari. Rine mazano anotibatsira pakurarama kwezuva nezuva.
Inzwa zvakataurwa nevamwe nezvekubatsirwa kwavakaitwa neBhaibheri.
“Handichanyanyi kunetseka. Maonero andava kuita zvinhu muupenyu achinja. Ndava kufara.”—Fiona.
“Kudzidza Bhaibheri kwakandibatsira kuti ndirarame upenyu hune chinangwa.”—Gnitko.
“Upenyu hwangu hwachinja uye ndiri kufara. Ndava kushanda nguva shoma uye zviri kuita kuti ndive nenguva yakawanda ndiine mhuri yangu.”—Andrew.
Vanhu ava vataurwa havasi ivo vega vari kubatsirwa neBhaibheri. Kune vakawanda vakaonawo kuti Bhaibheri riri kuvabatsira muupenyu hwavo.
Ngatimboonai kuti Bhaibheri ringakubatsira sei pazvinhu zvinotevera:
Utano
Unhu
Kuwirirana mumhuri uye neshamwari
Kushandisa mari zvakanaka
Pakunamata
Nyaya dzinotevera dzicharatidza kuti Bhaibheri ringakubatsira sei muupenyu hwako.