Vanofara, Vane Ngoni!

1. Vanofara vane ngoni!

Mwari anovayemura.

Voti kuvakarurama:

Mwari anodawo ngoni.

Akatiitira ngoni

Pakutitumira Jesu.

Vanyoro tonzwirwa ngoni

Nokuti hatina simba.

2. Vengoni voropafadzwa;

Vanokanganwirwa zvivi.

Vanobatsirwa nengoni,

Sezvo Kristu akaripa.

Vane ngoni kuna vamwe

Pavanoparidza kwose.

Voti kuvanhu: “Farai

Kuti Umambo hwasvika.”

3. Vanyoro vacharatidzwa

Rudo pavachazotongwa;

Voziva ngoni dzaMwari,

Sezvo ivo vane ngoni.

Ngativei vane ngoni,

Tiwedzere kuva nadzo.

Ti’te saMwari naKristu;

Tigarewo tine ngoni.