CHIKAMU 9

Paradhiso Ichauya Riini?

Matambudziko ari panyika anoratidza kuti Mwari ava pedyo nekugadzirisa zvinhu. Ruka 21:10, 11; 2 Timoti 3:1-5

Matambudziko emumazuva ekupedzisira: kubhejera, hondo, zvirwere, nzara, kusateerera vabereki, uye mhirizhonga mudzimba

Bhaibheri rakagara rataura zvinhu zvakawanda zviri kuitika mazuva ano. Rakati kwaizova nevanhu vanoda mari, vasingateereri vabereki, vanotyisa, uye vanoda mafaro.

Kwaizova nekudengenyeka kwenyika, hondo, nzara, nezvirwere. Zvinhu izvi zviri kutoitika mazuva ano.

Chapupu chaJehovha chiri kuparidza mashoko akanaka eUmambo kune mumwe murume

Jesu akatiwo mashoko akanaka eUmambo aizoparidzwa munyika yese.—Mateu 24:14.

Umambo huchabvisa uipi hwese. 2 Petro 3:13

Vakaipa vachaparadzwa paAmagedhoni, uye Satani nemadhimoni vachaparadzwawo

Pasina nguva Jehovha achaparadza vakaipa.

Satani nemadhimoni ake vachaparadzwa.

Jesu akagara pachigaro chake cheUmambo kudenga uye vanhu vemarudzi akasiyana-siyana vari kufara

Vanhu vanoteerera Mwari vachapona vorarama munyika itsva yakarurama. Munyika macho munenge musisina chekutya uye vanhu vanenge vaine rudo uye vachivimbana.