Wedzero yoMutumbi Unodzora

NOMURANGARIRO wokuwedzera vashandi voMutumbi Unodzora weZvapupu zvaJehovha, kutanga pana July 1, 1994, mutezo wokuwedzera wakawedzerwa kuvakuru gumi nomumwe zvino vari kubatira. Mutezo mutsva wacho ndiGerrit Lösch.

Hama Lösch vakapinda mubasa renguva yakazara pana November 1, 1961, uye vakapedza kufunda mukirasi yechi 41 yeWatchtower Bible School of Gilead. Vakabatira mubasa redunhu nereruwa muAustria kubvira muna 1963 kusvikira muna 1976. Vakachata muna 1967, uye ivo nomudzimai wavo, Merete, gare gare vakabatira kwamakore 14 semitezo yemhuri yeBheteri yeAustria muVienna. Makore mana apfuura vakachinjirwa kudzimbahwe reSosaiti muBrooklyn, New York, uko Hama Lösch vaibatira muExecutive Offices uye somubetseri kuDare reBasa. Noruzivo rwavo rwokuzviwanira rwakasiyana-siyana mumunda weEurope uye kuziva kwavo chiGerman, chiNgezi, chiRomanian, uye chiTariyana, vachaita mupiro unokosha kubasa roMutumbi Unodzora.