Bhokisi Remibvunzo

◼ Mabhuku api atinofanira kudzidza nevatsva vasati vabhabhatidzwa?

Munhu asati atsaurira upenyu hwake kuna Jehovha ndokubhabhatidzwa, anofanira kuva nezivo yakarurama. (Joh. 17:3) Achawana mashoko aanoda nokudzidza bhurocha rinonzi Mwari Anodei Kwatiri? uye bhuku rinonzi Zivo Inotungamirira Kuupenyu Husingaperi. Kazhinji bhurocha rinonzi Anodei richatanga kudzidzwa. Zvisinei, kana fundo yacho yakatangwa mubhuku rinonzi Zivo, bhurocha rinonzi Anodei rinofanira kudzidzwa kana bhuku racho rapedzwa. Nei izvi zvichikosha?

Bhurocha rinonzi Anodei rinogovera kupfupikiswa kwedzidziso dzinokosha dzeBhaibheri. Kana rikatanga kudzidzwa, richapa mudzidzi kunzwisisa kunokosha kwezvinodiwa kuti tifadze Jehovha. Kana rikapedzisira kudzidzwa, richashanda sekuhwirudzura kwakaisvonaka zvakadzidzwa mubhuku rinonzi Zivo. Muzviitiko zvose, kurudzira mudzidzi kutarira magwaro anotsigira ndokuafungisisa. Iva nechokwadi chokusimbisa mifananidzo, sezvo iri zvishandiso zvokudzidzisa zvinobudirira zvikuru.—Ona Nharireyomurindi yaJanuary 15, 1997, mapeji 16-17.

Mudzidzi weBhaibheri akangopedza kudzidza mabhuku maviri iwaya, angagona kupindura mibvunzo yose iyo vakuru vachahwirudzura naye mukugadzirira kubhabhatidzwa. Kana zvakadaro, hazvingavi zvinokosha kuitisa fundo yakarongwa naye mune rimwe bhuku, kunyange zvazvo muitisi achifanira kupfuurira kushingaira kuratidza kufarira kufambira mberi kwake.—Ona Nharireyomurindi yaJanuary 15, 1996, mapeji 14, 17.