Zvii Zvaungaita Kuti Kuverenga Bhaibheri Kunyatsokubatsira?

NEI ZVICHIKOSHA? Kudzidza Bhaibheri semunhu mumwe nemumwe kunotibatsira “kunzwisisa zvakazara chinonzi kufara nekureba nekukwirira nekudzika” kwechokwadi. (VaE 3:18) Kunotibatsirawo kuti tisava nechatinopomerwa, tisava neruvara munyika ino yakaipa uye ‘tirambe takabatisisa shoko reupenyu.’ (VaF 2:15, 16) Kudzidza Bhaibheri semunhu mumwe nemumwe kunotipa mukana wekuzvirongera tega zvatinoda kudzidza. Zvii zvatingaita kuti kuverenga uye kudzidza kwatinoita Bhaibheri kunyatsotibatsira?

MAITIRWO AZVO:

• Maka mavhesi uye nyora manotsi muBhaibheri raunoshandisa pakudzidza

• Zvibvunze mibvunzo yakadai seiyi paunenge uchiverenga Bhaibheri: ‘Ndiani? Chii? Riini? Kupi? Nei? Sei?’

• Tsvakurudza. Shandisa zvekutsvakurudza zvauinazvo kuti uongorore zviri kutaurwa nevhesi kana kuti imwe nyaya

• Dzamisa pfungwa pane zvauri kuverenga woona kuti zvinoshanda sei kwauri

• Shandisa zvauri kudzidza muupenyu hwako.​—Ru 6:47, 48

ONA VHIDHIYO INONZI RAMBA ‘WAKABATISISA’​—NEKUNYATSODZIDZA URI WEGA, WOZOPINDURA MIBVUNZO INOTEVERA:

• Vamwe vakatsanangura sei chinonzi kudzidza uri wega?

• Nei tichifanira kutanga tanyengetera tisati tatanga kudzidza?

• Chii chinogona kutibatsira kuti tinzwisise zvatinenge tichiverenga muBhaibheri?

• Tinogona kumaka sei zvinhu zvatinoda muBhaibheri ratinoshandisa pakudzidza?

• Nei zvichikosha kuti tidzamise pfungwa patinenge tichidzidza Shoko raMwari?

• Tinofanira kuitei nezvatinenge tadzidza?