Pfekenurai Unhu Hwekare, Mupfeke Unhu Hutsva

3:5-14

Pawakawana chokwadi, pane zvinhu zvakawanda zvawakachinja paunhu hwako here? Jehovha akafara chaizvo nekushanda nesimba kwawakaita. (Eze 33:11) Asi unofanira kuramba uchishanda nesimba kuti unhu ihwohwo husadzoka uye woramba uchiva neunhu hutsva. Pindura mibvunzo inotevera kuti uone paunofanira kugadzirisa:

• Ndinoramba ndiine chigumbu here kana ndikatadzirwa nemumwe munhu?

• Ndinoratidza vamwe mwoyo murefu here kunyange ndiine zvandiri kumhanyira kuita kana kuti ndakaneta?

• Kana ndikapindwa nepfungwa dzeunzenza, ndinokurumidza kudzibvisa here?

• Ndinovenga vanhu verumwe rudzi here?

• Munguva ichangobva kupfuura, pane here zvandakaita zvinoratidza kuti ndakatadza kudzora hasha?