Zvapupu zvaJehovha Zvinobvumira Vanhukadzi Kuparidza Here?

Hongu. Tose tiri vashumiri uye tinoparidza kusanganisira vanhukadzi vose. Sokutaurwa kwazvakanga zvaitwa neBhaibheri, ‘vakadzi vaizoparidza shoko vaizova vazhinji kwazvo.’​—Pisarema 68:11, Bhaibheri Dzvene MuChishona Chanhasi.

Vanhukadzi vechitendero cheZvapupu zvaJehovha vanotevedzera zvaiitwa nevakadzi vanotaurwa muBhaibheri. (Zvirevo 31:10-31) Kunyange zvazvo vakadzi vasingatungamiriri muungano, vanoshanda nesimba pakuita basa rokuparidzira vamwe Shoko raMwari. Vanodzidzisawo vana vavo zvinotaurwa neBhaibheri. (Zvirevo 1:8) Mararamiro avo uye zvavanotaura zvinoita kuti vamwe vade kuvatevedzerawo.​—Tito 2:3-5.