RWIYO 128
Kutsungirira Kusvika Kumugumo
Rakaprindwa
1. Zviri muShoko raMwari
Zvinopa ushingi.
Zvamakadzidza mukada,
Zvese ndezvechokwadi.
Simbiswai mukutenda,
Nekufunga mugumo.
Rambai makaperera,
Munatswe nemiedzo.
2. Musasiya rudo rwenyu,
Rungangotonhora.
Pasinei nemiedzo,
Rambai makatsunga.
Nyange youya miedzo,
Musatombotya zvenyu.
Jehovha anonunura,
NdiMwari ari pedyo.
3. Vese vanotsungirira
Ndivo vachapona.
Mazita avo onyorwa
Mubhuku zvakajeka.
Kutsungirira kwopedza
Basa rakwo, tikwane.
Mwari achakomborera,
Tichafara zvikuru.
(Onawo VaH. 6:19; Jak. 1:4; 2 Pet. 3:12; Zvak. 2:4.)