Rwiyo 67

Chengeta Pfuma Mudenga

(Mateo 6:20)

1. Tingamuda sei Mwari,

Baba wezvinopenya!

Zvipo zvose zvakakwana,

Zvinobva kuna Iye.

Anopa chokudya, imba,

Mbeu, mvura, zvipfeko.

Ngationge mugoveri

Anogutsa upenyu.

2. Hupenzi kupedza nguva

Muzvinhu zvoudyire,

Kuunganidza upfumi,

Husingapi upenyu!

Tive vanogutsikana

Nezviri madikanwa,

Nezviito tibatise

Paupenyu chaihwo.

3. Tishandise nguva, pfuma

Tichidyisa “varombo,”

Vanenzara vonzwa shoko

Retariro yoUshe.

Nokubata kune tsitsi,

Tova shamwari dza’She;

Tochengeta mumatenga

Pfuma isingagumi.