WEKELO 03
Ongawolake ente akambo wa Bible otopelande walekɔ nsɔsɔlɔ?
Bible ndola kfu l’alako edjinge l’alaka. Mbala imɔtshi wɛ okombola ndjewa kɛnɛ kɛ Bible otolakanyɛnde, koko oyawopola ntsha akambo wa Bible otepelande walekɔ nsɔsɔlɔ. Oyɛwɔ mo, wɛ nkoka ndjawola alaka l’alako wel’onkanda womboyala ilá wɔsɔ? Wɛ nkoka nsɔsɔlɔ ndjawola kɛnɛ ketepela Bible lá nkambo djɛ lowiko lɔ lɔɔko lɔnɛ la lɔ l’etsho weyaye? Miliyɔ y’anto wakanela nghɔsɔ. Iya wɛ otepelɛ ente mo? Tokolenda ntsha edjinge wɛ nkoka ndjawola nkambo djɛsɔ.
1. Bible oyɛnde nde onkanda wotepela nsɔsɔlɔ ndo koko w’ongolo?
Bible ntepelaka ante djelekɔ ‘l’etepela wɛ nsɔsɔlɔ welekɔ́ djɔ.’ (Losanghanyɛ 12:10) Djɛkɔ ntepelaka djɛ akambo wa nsɔsɔlɔ wananghemisá walendana l’anto wawikaki l’etsho wemboheta. (Wala Luka 1:3; 3:1, 2.) Andjeyi y’ɛkɔndɔ efula edjinge anto wahonaka nkete djemboheta wawola ambɔ, Bible dekɔ djɔ winá w’otepelande djɛ adatɛ, anto, djena, edjinge akambo wananghemisá.
2. Lamo isopakoke ntepela ente Bible mbohetá?
Mbala efula, Bible mboshiyɛka ntepela akambo watewamaki l’etsho wɛ yoofunaka. Ndjɔmbɔmba, angotepelake wayi wa siansɛ. L’etsho wefunamaki Bible, anto efula watawolaki akambo wakɔ. Koko, lɔɔko kɛnɛ ndeke anto w’awalo lá wayi wa siansɛ yombawola ambɔ akambo wa Bible otepelande walekɔ ngo nsɔsɔlɔ. Wayi watepelá Bible ‘ɛdje djɛ ndjɛkɛ oloko, winá wɔsɔ edjinge lotshinda lotshinda.’—Yeembo 111:8.
3. Lamo oyɛso ladjɛ ndjawola kɛnɛ ketepela Bible lá nkambo dj’etsho weyaye?
Bible dekɔ la prɔfɛsia efula yetepelá ‘akambo watananghema.’ (Izaya 46:10) Ntepelaka akambo efula la eshikikelo lá ntondo kɛ akambo wasɔ nanghema. Ntepelaka lonkina akambo efula wananghema lá yopo yɛ nsɔsɔlɔ yelendana l’etsho wɛso wɛnɛ. Lá wekelo wɔnɛ, tongoshishima prɔfɛsi imɔtshi yelá Bible. Ape l’ehamo, ongokamɔ wopo w’okotshamawɔ!
TSHIMOLA
Tokoshishima wopo wɔ siansɛ awolande wayi wa Bible otepelande, edjinge wopo wɔ prɔfɛsi imɔtshi yakotshama.
4. Siansɛ ndjawolaka kɛnɛ kɛ Bible otepelande
L’etsho wemboheta, anto efula wafɛnyɛki ambɔ looko ndjapema ládjiko dj’ekete kɛmɔtshi. Lenda VIDEO.
Tokolenda kɛnɛ ketepela onkanda wɔ Djɔbɔ amboheta ɛnɔnyi etengo 3 500. Wala Djɔbɔ 26:7, ko kadjimola lá weepó wɔnɛ:
Ladjikɛnge ndjewa ente looko “lopapema lá djiko dj’ekete” okokamoyɛwɔ?
Ngo l’ɛtɛndɔ kɛ 18 ndeke anto yisolaka wopo wonanghema otshimbelo wɔ washi (sycle de l’eau). Koko, nyotshɔ tokolenda kɛnɛ kɛ Bible ndatepela amboheta ɛnɔnyi etengo 3 500. Wala Djɔbɔ 36:27, 28, ko kadjimola lá weepó wɛnɛ:
Kɛkɔnge kekokamoyɛ lá kɛnɛ kelendana la otshimbelo wɔ washi?
Avɛrse wa ngombowala wanɛ, wambokembɛ djawo djɛko lá Bible?
5. Akambo wa djonyi wewoyisá Bible
Wala Izaya 44:27–45:2, ko kadjimola lá woopó wɔnɛ:
Kɛkɔnge kɛ Bible ndewoyɛ ɛnɔnyi 200 lá ntondo lá nkambo dj’etshitanelo kɛ Babilɔnɛ?
Ɔkɔndɔ nyɛnyɛka djɛ Kurɔ nkfumi kɛ Pɛrɛsiya nde nya angala wande watshitaka ngando kɛ Babilɔnɛ lá 539 N.D.D.b Iwɔ waataka ɔkɛdji wolamaki ngando. M’ɔkɔngɔ w’iwɔ ndjingela lá ngando má lokfuke lotshikalisá oholo lofu lɔsɔ, iwɔ wɔsaka ngando ipa la nana mbandji. Lɔɔko kɛnɛ, amboheta ɛnɔnyi ngete 2 500, Babilɔnɛ yombotshikalá ngo boko toko. Winá wɔsɔ tolende kɛnɛ kɛ Bible ndewoyɛ.
Wala Izaya 13:19, 20, ko kadjimola lá woopó wɔnɛ:
Wopo wɔkɔnge prɔfɛsi kɛnɛ yakotshama?
Boko djɛ Babilɔnɛ lá Irak
6. Bible ntepelaká ntondo akambo wɛnaso lɔɔko kɛnɛ
Bible ndjetaka eleko kɛsɔ kɛnɛ ante ‘etsho w’ekomo.’ (2 Timɔte 3:1) Kolenda akambo wa Bible ndewoyɛ ante wangonanghema l’etsho w’ekomo.
Wala Mateo 24:6, 7, ko kadjimola lá woopó wɔnɛ:
Bible ndewoyɛ ante akambo wakɔnge wangonanghemá l’etsho w’ekomo?
Wala 2 Timɔte 3:1-5, ko kadjimola lá weepó wɛnɛ:
Etengo Bible ndewoyɛ, djalelo djɛkɔnge djengoyalá l’anto wal’etsho w’ekomo?
Djalelo djɛkɔnge dj’ɛnɛ le anto lɔɔko kɛnɛ?
ANTO EFULA NTEPELAKA AMBƆ: “Bible oyɛwɔnde onkanda w’ɛkɔndɔ la wɔ wamba.”
Ngete le wɛ, kɛkɔnge kekoshikikɛ ente Bible dekɔ onkanda wokokɛ ndjilela oloko?
LÁ YOPASƐ
Ɛkɔndɔ, wayi wa siansɛ la prɔfɛsi nyɛnyɛka djɛ wɛ nkoka ndjilela Bible oloko.
Mvungo
Oyɛwɔ mo, Bible dekɔ onkanda wotepala nsɔsɔlɔ ndo wɔ ongolo?
Akambo wakɔnge wɛnyɛ djɛ Bible ndjokanaka la siansɛ?
Ngete le wɛ, Bible nkoka ndjewoyɛ akambo wal’etsho weyaye? Lamo otepelɛ nghɔsɔ?
TOKANYI TONKINA
Winá wɔ Bible otepelande akambo wa siansɛ, angotepelake ngo nsɔsɔlɔ?
Tolembetelo tɔkɔnge tolendana l’‘etsho w’ekomo’?
Eka wopo wokotshamisá prɔfɛsi yelá Bible yelendana l’onkfumi wɔ Ngirika.
Kolenda wopo wɔ prɔfɛsi yelá Bible yatshikitanyɛ lowiko lɔ mpame kɛmɔtshi.
“Lemi ntawolaki ente Ndjambe alekɔ” (Etange k’Okolami No. 5 2017 lá Otetela)
a Prɔfɛsi oyɛwɔnde nsango yɛ me Ndjambe yelendana l’akambo wangonanghemá l’etsho weyaye.
b N.D.D. nsakisolaka “ntondo kɛ deko djɛso,” ko D.D. nsakisolaka “deko djɛso.”