Kiakukita bua’shi kisangilo kia mudimo wa bulungudi kikale akikuasha

Nka bu bingi bisangilo bioso, kisangilo kia mudimo wa bulungudi nyi mpango yate Yehowa ayitukuasha bua kuinyingishena mu kifulo na mu midimo i buwa. (Eb 10:24, 25) Kuabila bantu, kuibapa ma terituare na luteko, bino bioso abitungu bikitshikie mu minite itano sunga musambo. (Su akikitshika kumpala kua kingi, abitungu kikale mpa na kiipi kukila paapa.) Abitungu’shi yawa akunkusha kiakia kisangilo, alumbule muisambo kampanda aukuasha baba abafiki ku kisangilo diadia efuku. Bu kileshesho, mu dia Mposo, su bantu be bungi abafiki ku kisangilo ta bekele batukie mu bulungudi munkatshi mua lubingo, bi buwa kuibalesha mayele a bia kuisamba na sha nshibo. Ingi mianda kinyi yanudi balombene kuisambila?

• Mishindo ya kubanga muisambo i mu Programe a bisangilo bya Bwina Kidishitu na mudimo wetu

• Bia kufubisha muanda ukuete aukitshika, sunga mianda yabadi bakule ku kisashi bua kubanga muisambo

• Bia kualula ku muanda w’abakambaa kuakula mu terituare enu bua kupela kuinutambula

• Bia kualula muntu sh’akumina’shi Efile Mukulu e kuanka, aakula’shi bintu bioso mbitukile, aakula lungi ludimi, na muntu e mu kipuilo kishi kikambe kuukika mu terituare enu

• Bia kufubisha miisambo i mu jw.org, JW Library^®, sunga Bible

• Bia kufubisha umune wa ku mikanda i mu Kashete ketu ka bina mudimo

• Ebakuashe buabadia kulungula mukandu wi buwa ku telefone, pa mbalo i bantu be bungi, kualukiila bantu sunga bia kulonga na bantu Bible

• Ebatentekieshe pabitale kuikaluila, muikelo wi buwa, mueneno e buwa na ingi mianda

• Dilongiesha sunga video a mu broshire a Epaane mu kubadika na kulongyesha

• Bia kukuasha na kunyingisha mulungudi nobe

• Kifundue sunga muanda aunyingisha pabitale mudimo wa bulungudi