DILONGYESHA 6

Kupushisha Kifundwe kalolo

Yowano 10:33-36

MU KIKOSO: Tokumanga kubadika kifundwe akupu okila ku ungi mwanda. Kita bya shi bantu bapushe kwipushena kwi pankatshi pa kifundwe kyobadika na mwanda wesamba.

BYA KUKITA:

Sangula myanda i na muulo. Kunyima kwa kubadika kifundwe, shimika kasele pa bishima bitale mwanda wesambila. We kwibikita pa kwambuula byabya bishima sunga kwela lukonko alukwasha bantu bwabadya kutundula myaku i na muulo.

Su boteemuna bingi bishima bwa kwalukiila ku binangu bi mu kifundwe, kita bya shi bantu bashale abapusha kwipushena kwa byabya bishima bya mu Bible na myanda i na muulo.
Shimika kasele pa mwanda okumiina shi balamiine. Su boteemuna kifundwe na kulesha bwakinyi okyebe kwikibadika, patuula mushindo wipushene bishima bi na muulo bya mu kifundwe na kepatshila ka kwikibadika.

Bible oobe ashale mubuule nsaa yopatuula kifundwe. Bino abikwasha bantu abakuteemesha bwa kumona kwipushena kwa bishima byobe na verse obokatuka mu kubadika.
Pushisha myanda mu ngakwilo mupelepele. Leka kwakula myanda i bungi ishi ipushene na winyi mwanda ukata. Ku bukwashi bwa myanda yabauku kwi bantu abakuteemesha pabitale wawa mwanda, sangula myanda i na muulo yabadi balombene kupusha kwi bantu mu ngakwilo mupelepele.