Psalmet

51 Jepmë hir, o Perëndi, sipas dashamirësisë sate!+

Fshiji shkeljet e mia, sipas mëshirës sate të madhe!+

 2 Lamë tërësisht nga faji im+

dhe pastromë nga mëkati im!+

 3 Sepse i di shkeljet e mia,+

dhe mëkatin tim e kam përpara vazhdimisht.+

 4 Kundër teje, vetëm kundër teje kam mëkatuar.+

Kam bërë atë që është e keqe në sytë e tu,+

që ti të dalësh i drejtë kur flet+

dhe i kulluar kur gjykon.+

 5 Ja, në faj erdha në dritë mes dhembjeve të lindjes+

dhe në mëkat më ngjizi nëna ime.+

 6 Ti ke gjetur kënaqësi te besnikëria që gjendet brenda meje.+

Në skutat e thella të zemrës sime bëmë të njoh tërë mençurinë.+

 7 Pastromë me hisop nga mëkati im, që të jem i pastër;+

lamë, që të bëhem edhe më i bardhë se bora.+

 8 Bëmë të ndiej tingujt e ngazëllimit dhe të gëzimit,+

që kockat e dërrmuara prej teje, të jenë të gëzuara!+

 9 Fshihe fytyrën tënde nga mëkatet e mia+

dhe m’i fshi të gjitha fajet!+

10 Krijo tek unë një zemër të kulluar, o Perëndi,+

dhe vër brenda meje një frymë të re, të palëkundur!+

11 Mos më flak larg fytyrës sate+

dhe mos e hiq prej meje frymën tënde të shenjtë!+

12 Më rikthe ngazëllimin e shpëtimit prej teje,+

dhe më mbështet duke më dhënë një frymë të gatshme!+

13 Unë do t’u mësoj shkelësve udhët e tua,+

që vetë mëkatarët të kthehen drejt e te ti.+

14 Çliromë nga faji i gjakut,+ o Perëndi, Perëndia i shpëtimit tim,+

që gjuha ime të tregojë drejtësinë tënde me gëzim!+

15 O Jehova, hapmi këto buzë,+

që goja ime të të lëvdojë!+

16 Sepse ty nuk të kënaqin flijimet, përndryshe do të t’i jepja;+

blatimet e plota të djegura nuk të pëlqejnë.+

17 Flijim për Perëndinë është fryma e vrarë;+

zemrën e vrarë dhe të dërrmuar ti nuk do ta përbuzësh, o Perëndi.+

18 Meqë e ke miratuar, trajtoje mirë Sionin;+

ndërtoji muret e Jerusalemit.+

19 Atëherë do të kënaqesh me flijimet e drejtësisë,+

me flijimin e djegur dhe me blatimin e plotë;+

atëherë do të flijohen dema në altarin tënd.+