Përshtypjet nga videokaseta Bibla: Fuqia e saj në jetën tuaj

Në përgjigje të pyetjeve të mëposhtme, të japim përshtypjet tona nga zemra ndaj mesazhit që përmban kjo videokasetë. (1a) Çfarë u ka dhënë fuqi miliona njerëzve që ta ndryshojnë për mirë jetën e tyre? (Hebr. 4:12) (1b) Çfarë nevojitet për t’i hapur rrugën kësaj fuqie dhe për ta zbatuar atë në jetë? (2) Cilat shkrime biblike u cituan për t’i ndihmuar të martuarit (a) që të përmirësojnë komunikimin (b) që të kontrollojnë temperamentin? (3) Si e përmirëson jetën familjare pikëpamja e krishterë për martesën? (Efes. 5:28, 29) (4) Si ka lënë Perëndia Jehova një shembull të shkëlqyer duke u dhënë fëmijëve të tria gjërat që duan dhe për të cilat kanë nevojë dhe në ç’mënyrë mund të veprojnë po njësoj prindërit sot? (Mar. 1:9-11) (5) Përse prindërit duhet t’ua mësojnë personalisht Biblën fëmijëve dhe çfarë tregon se është e nevojshme që kjo të bëhet rregullisht? (Ligj. 6:6, 7) (6) Si mund ta bëjnë prindërit interesant studimin familjar? (7) Përveç studimit biblik, për çfarë tjetër i nxit Fjala e Perëndisë prindërit që të sigurojnë për fëmijët e tyre? (8) Si mund t’i ndihmojë këshilla biblike familjet që të mbijetojnë ekonomikisht? (9) Cilat janë parimet biblike që kur zbatohen ndihmojnë për të zvogëluar problemet shëndetësore? (10) Si e kanë ndryshuar jetën tonë parimet biblike që gjenden në Fjalën e Perëndisë? (11) Përse duke parë këtë videokasetë, ndonjë që vizitojmë në shërbim mund të nxitet të pranojë një studim biblik në shtëpi?