Bibla​—Fuqia e saj në jetën tuaj

Bibla ka ndihmuar miliona njerëz që të bëjnë një jetë më të mirë. Cilat janë disa parime biblike që po t’i zbatojmë, do të na ndihmojnë të kapërcejmë problemet e sotme? Pa dyshim, do të kënaqeni me përgjigjet e këtyre pyetjeve duke shqyrtuar videon Bibla​—Fuqia e saj në jetën tuaj, e dyta nga tri videot që ndodhen në DVD-në Bibla​—Një libër me fakte dhe profeci. Pasi të shihni këtë video, a mund t’u përgjigjeni këtyre pyetjeve?

(1) Pse mund të themi se Bibla është më tepër se një kryevepër letrare? (Hebr. 4:12) (2) Nëse Bibla mund t’i ndihmojë njerëzit të bëjnë një jetë më të mirë, atëherë pse ka kaq shumë probleme njerëzimi? (3) Cila është tema qendrore e Biblës? (4) Çfarë shkrimesh biblike të përmendura në video mund t’i ndihmojnë të martuarit që (a) të kenë një komunikim më të mirë dhe (b) të ruajnë gjakftohtësinë? (5) Si e përmirëson jetën familjare pikëpamja e krishterë për martesën? (Efes. 5:​28, 29) (6) Si ka lënë Jehovai një shembull të shkëlqyer për prindërit? (Mar. 1:​9-11) (7) Si mund ta bëjnë prindërit interesant studimin familjar? (8) Përveç studimit biblik, për çfarë tjetër i nxit Fjala e Perëndisë prindërit që të sigurojnë për fëmijët? (9) Si mund t’i ndihmojnë këshillat biblike familjet që të mbijetojnë ekonomikisht? (10) Cilat janë parimet biblike lidhur me pastërtinë, drogën, teprimin me alkoolin dhe stresin që, po të zbatohen, ndihmojnë për të pakësuar problemet shëndetësore? (11) Cilat premtime të Biblës mund të na japin forcë? (Jobi 33:25; Psal. 145:16) (12) Si të kanë ndihmuar mësimet e Fjalës së Perëndisë të bësh një jetë më të mirë? (13) Si mund ta përdorësh këtë video për të ndihmuar të tjerë?