Çfarë të themi për revistat?

Kulla e Rojës 15 janar

«Meqë sot është e zakonshme që njerëzit të mos i mbajnë premtimet, shumë veta s’i zënë besë askujt. A mendoni se ka ndonjë person, premtimet e të cilit mund t’i besojmë? [Ta lëmë të përgjigjet. Pastaj të lexojmë Jozueun 23:14.] Kjo revistë tregon se si mund të krijojmë besim te premtimet e Perëndisë që i gjejmë në Bibël.»

Zgjohuni! 22 janar

«Ky është emri i Perëndisë, i shkruar në gjuhën origjinale hebraike. [Të tregojmë kapakun e revistës.] Disa njerëz janë të bindur se ky emër nuk duhet shqiptuar asnjëherë. Kurse të tjerë e përdorin pa problem. Ky numër i revistës Zgjohuni! merr në shqyrtim këtë kontradiktë. Flet edhe për mënyrën se si mund ta njohim ne emrin e Perëndisë.» Të lexojmë Veprat 2:21.

Kulla e Rojës 1 shkurt

«Pothuajse të gjithë ne bëjmë kujdes që të jemi mirë me shëndet. Mirëpo, disa studime të bëra kohët e fundit tregojnë se shëndeti i mirë fizik ndikohet edhe nga gjendja frymore. A mendoni se është e mundur një gjë e tillë? [Ta lëmë të përgjigjet. Pastaj të lexojmë Mateun 5:3.] Ky numër i Kullës së Rojës shqyrton se si mund ta plotësojmë këtë nevojë frymore.»

Zgjohuni! 8 shkurt

«Shumë njerëz sot janë mjaft të zënë me punë, prandaj ndiejnë nevojën për të pushuar më tepër. Ndoshta edhe ju mendoni njësoj si fjalët e kësaj thënieje të shkruar më shumë se 3.000 vjet më parë. [Të lexojmë Eklisiastiun 4:6. Pastaj, ta lëmë të përgjigjet.] Ky numër i revistës Zgjohuni! trajton informacione të vlefshme se si të dallojmë e si të kurojmë problemin e mungesës së gjumit.»