Çfarë të themi për revistat?

Kulla e Rojës 15 shkurt

«Shumë veta i shqetësojnë gjërat e këqija që janë bërë në emër të fesë. Disa mendojnë se feja është shkaku i problemeve të njerëzimit. Ju, a keni menduar ndonjëherë për këtë? [Ta lëmë të përgjigjet. Pastaj të lexojmë Zbulesën 18:24.] Në këtë revistë shqyrtohet çfarë thotë Bibla për këtë argument.»

Zgjohuni! 22 shkurt

«Shumë njerëz kanë qejf të mësojnë më shumë për kafshët dhe disave u pëlqen të kenë kafshë në shtëpi. [Ta lëmë të komentojë.] Kjo revistë tregon cilat janë disa vështirësi që vijnë kur mban kafshë në shtëpi. Shpjegon edhe për premtimin e Perëndisë lidhur me një kohë kur të gjitha kafshët do të jenë paqësore me njëra-tjetrën dhe me njerëzit.» Të lexojmë Isainë 11:6-9.

Kulla e Rojës 1 mars

«Në një rast Jezu Krishtin e pyetën: ‘Cili është urdhërimi më i madh?’ Shikoni si u përgjigj ai. [Të lexojmë Markun 12:29, 30.] A keni menduar ndonjëherë çfarë donte të thoshte Jezui me këtë? [Ta lëmë të përgjigjet.] Artikulli ‘Si e tregojmë dashurinë për Perëndinë?’ merr në shqyrtim domethënien e këtyre fjalëve të famshme.»

Zgjohuni! 8 mars

«Më përpara njerëzit jetonin me frikën e një lufte bërthamore. A mendoni se edhe sot ekziston rreziku i një lufte bërthamore? [Ta lëmë të përgjigjet.] Kjo revistë merr në shqyrtim zhvillimet e fundit që janë me interes për të gjithë ne. Tregon edhe premtimin e Biblës për një botë ku frika do t’i përkasë së kaluarës.» Të lexojmë Sofoninë 3:13.