Çfarë të themi për revistat?

Kulla e Rojës 15 shkurt

«Ndonjëherë dëgjojmë të thuhet se ka ndodhur një mrekulli. [Të përmendim një rast.] Disa njerëz u besojnë këtyre mrekullive. Disa të tjerë jo. Kjo revistë shqyrton nëse kanë ndodhur vërtet mrekullitë që tregohen në Bibël, dhe nëse vazhdojnë të ndodhin edhe sot.» Të lexojmë Jereminë 32:21.

Zgjohuni! 22 shkurt

«Në lashtësi, Perëndia i urdhëroi fëmijët që të nderonin jo vetëm babanë, por edhe nënën. [Të lexojmë Eksodin 20:12.] A mendoni se nënat e sotme po nderohen si duhet? [Ta lëmë të përgjigjet.] Në këtë revistë flitet për vështirësitë që hasin nënat në vende të ndryshme dhe për mënyrën se si po i përballojnë këto vështirësi.»

Kulla e Rojës 1 mars

«A mendoni se bota do të ishte më e mirë nëse çdo njeri do të zbatonte këtë këshillë? [Të lexojmë Romakëve 12:17, 18. Pastaj ta lëmë të përgjigjet.] Mjerisht, nganjëherë, ndodhin mosmarrëveshje ndërmjet njerëzve. Kjo revistë tregon se si zbatimi i këshillave biblike mund të na ndihmojë që t’i zgjidhim mosmarrëveshjet dhe të kemi përsëri marrëdhënie paqësore me të tjerët.»

Zgjohuni! 8 mars

«Çdo vit rritet kërkesa për energji elektrike. A e imagjinoni dot se çfarë do të ndodhte sikur një ditë të mbeteshim pa energji fare? [Ta lëmë të përgjigjet.] Kjo revistë flet për përparimin që është bërë në gjetjen e burimeve më të pastra të energjisë. Ajo flet gjithashtu, edhe për Burimin e të gjithë energjisë dhe fuqisë.» Të lexojmë Isainë 40:26.