Çfarë të themi për revistat

Kulla e Rojës 15 mars

«Kemi dëshirë t’ju ftojmë në kremtimin e Darkës së Zotërisë, të dielën, më 4 prill. [Të shpjegojmë duke përdorur faqen e fundit të revistës ose ftesën e Përkujtimit. Pastaj të lexojmë Lukën 22:19.] Artikujt e parë të këtij numri të Kullës së Rojës shqyrtojnë se ç’kuptim ka kjo ngjarje dhe si kremtohet ajo.»

Zgjohuni! 22 mars

Pasi përmendim një ngjarje tragjike që njerëzit e kanë të freskët në mendje, t’i pyesim: «A e keni pyetur ndonjëherë veten pse Perëndia lejon të ndodhin këto gjëra? [Ta lëmë të përgjigjet. Pastaj lexojmë Jakovin 1:13.] Ky artikull, që është shkruajtur posaçërisht për të rinjtë, shpjegon pse Krijuesi ynë i dashur nuk ka ndërhyrë akoma për t’i dhënë fund vuajtjeve.»

Kulla e Rojës 1 prill

«Në Bibël përmendet numri i një bishe. Për përshkrimin e tij të mistershëm ka shumë hamendje. A keni dëgjuar ndonjëherë për të? [E lëmë të përgjigjet. Pastaj të lexojmë Zbulesën 13:16-18.] Vetë Bibla na jep çelësat për të zgjidhur këtë enigmë. Kjo revistë shpjegon se cilët janë këta çelësa.»

Zgjohuni! 8 prill

«Shumë njerëz kanë dëgjuar për jetën e Moisiut. Por, a e dini se Moisiu tha diçka që ndikon në jetën tonë sot? [E lëmë të përgjigjet. Pastaj të lexojmë Ligjin e përtërirë 18:15] Ky numër i Zgjohuni! shqyrton se kush është ky profet i parathënë dhe çfarë do të bëjë ai për të mirën e njerëzimit.»