Çfarë të themi për revistat?

Kulla e Rojës 1 mars

«Çdo ditë dëgjojmë për njerëz që vuajnë, që janë sëmurë ose që vdesin. A e pyesni veten nëse do të shpëtojmë ndonjëherë nga këto? [Të presim përgjigjen.] Ky varg nga Bibla u ka dhënë shpresë miliona njerëzve. [Të lexojmë Gjonin 3:16.] Titulli i kësaj reviste është: ‘Si mund t’ju shpëtojë vdekja e Jezuit?’»

Zgjohuni! mars

«Si mendoni, besëtytnitë janë të rrezikshme apo të parrezikshme? [Të presim përgjigjen.] Bibla thotë diçka interesante. [Të lexojmë Isainë 65:11.] Ky artikull shqyrton nëse besëtytnitë kanë lidhje me mësimet e Biblës apo jo.» Pastaj t’ia drejtojmë vëmendjen në artikullin e faqes 10.

Kulla e Rojës 1 prill

«A nuk do të donit që kjo profeci të përmbushej? [Të lexojmë Isainë 2:4. Pastaj të presim përgjigjen.] Siç thuhet në shkrim, Perëndia do të ndërhyjë në çështjet njerëzore dhe «do t’i ndreqë gjërat». Bibla tregon se Perëndia do të bëjë një luftë të quajtur Harmagedon, një luftë që do t’u japë fund gjithë luftërave. Kjo revistë shpjegon se çfarë është Harmagedoni dhe pse duhet ta presim me padurim.»

Zgjohuni! prill

«A mendoni se ndoshta jetojmë në periudhën që përshkruhet këtu? [Të lexojmë 2 Timoteut 3:1-4. Pastaj të presim përgjigjen.] Ka mjaft arsye që të interesohemi veçanërisht për ditët e fundit, sepse ngjarjet e tyre tregojnë se tokën e presin gjëra të bukura. Kjo revistë flet pikërisht për këto.»