Rishikimi i asamblesë speciale njëditore

Ky material do të përdoret për të shqyrtuar paraprakisht programin e asamblesë speciale njëditore për vitin e shërbimit 2005 dhe për ta rishikuar më vonë. Artikulli «Rregullim i ri për rishikimin e programit të asambleve», që ndodhet në faqen 4 të kësaj shtojce, shpjegon se si mund të bëhet ky rishikim. Programojeni mirë kohën gjatë rishikimit në mënyrë që të mjaftojë për të gjitha pyetjet. Rishikimi duhet të përqendrohet te mënyra se si mund t’i zbatojmë ato informacione që marrim.

SESIONI I PARADITES

1. Pse është gjithnjë e më shumë e nevojshme të dëgjojmë Jehovain? Çfarë do të thotë të dëgjojmë? («Pse duhet ta dëgjojmë zërin e Jehovait?»)

2. Si mund të kenë familjet një program të mirë për aktivitetet frymore? («Familje që e dëgjojnë Fjalën e Perëndisë pa u shpërqendruar.»)

3. Si i shfrytëzojnë vëllezërit e qarkut rastet për të dhënë dëshmi joformale? («Gjithçka ta bëjmë për lavdi të Perëndisë.»)

4. Çfarë mësimesh nxjerrim nga shembulli paralajmërues që gjendet në kapitujt 3 dhe 4 të letrës drejtuar Hebrenjve? Si na flet sot Jehovai? («Jemi të mbrojtur po ta dëgjojmë Perëndinë kur flet.»)

5. Çfarë dobish nxorët nga fjalimi i pagëzimit? («Kushtimi dhe pagëzimi.»)

SESIONI I PASDITES

6. Për çfarë dallohej Jezui kur ishte i ri dhe si po e imitojnë të rinjtë në qark shembullin e tij? («Si forcohen të rinjtë kur e dëgjojnë me vëmendje Fjalën e Perëndisë?»)

7. Në cilat mënyra mund të fillojnë prindërit t’i stërvitin në rrugët e Jehovait fëmijët e tyre që nga foshnjëria e më tej? («Fëmijë që e dëgjojnë Perëndinë dhe mësojnë.»)

8. Në cilat drejtime të veçanta duhet t’i kushtojmë vëmendje Jehovait, Birit dhe «skllavit të besueshëm dhe të matur»? (Mat. 24:45) Pse është jetësore për ne të veprojmë në këtë mënyrë? («T’i kushtojmë vëmendje vazhdimisht mësimit hyjnor.»)