Si të përgatitemi për Mbledhjen e Shërbimit
1. (a) Cili është qëllimi i Mbledhjes së Shërbimit? (b) Si mund të nxjerrim sa më shumë dobi prej saj?
1 Qëllimi i Mbledhjes së Shërbimit është të na ndihmojë të bëjmë një shërbim sa më të frytshëm. Ajo përqendrohet në predikimin e lajmit të mirë për Mbretërinë, në bërjen e dishepujve dhe në shpalljen e gjykimit të afërt të Perëndisë. (Mat. 28:19, 20; Mar. 13:10; 2 Pjet. 3:7) Nxjerrim mjaft dobi nga kjo mbledhje e rëndësishme kur jemi të përgatitur mirë dhe gati për të marrë pjesë.
2. Si mund të përgatitemi për të dëgjuar një fjalim?
2 Fjalimet: Burimi i materialit për fjalimet jepet zakonisht në udhëzimet për oratorin. Mund të shqyrtoni materialin e caktuar, përfshirë edhe shkrimet e përmendura, dhe të mendoni se si mund t’i zbatoni ato informacione në shërbim.
3. Çfarë mund të bëjmë gjatë përgatitjes për një diskutim me pyetje dhe përgjigje?
3 Diskutimet me pyetje dhe përgjigje: Këto pjesë do të trajtohen në mënyrë shumë të ngjashme me Studimin e Kullës së Rojës, me një hyrje dhe përfundim të shkurtër. Nënvizoni pikat kryesore në çdo paragraf dhe jini të përgatitur për të bërë komente të shkurtra e domethënëse.
4. Si mund të përgatitemi për një diskutim me auditorin?
4 Diskutimet me auditorin: Këto pjesë do të paraqiten si fjalim, por oratori do të kërkojë herë pas here edhe pjesëmarrjen e auditorit. Nëse nënvizoni pikat kryesore dhe shikoni shkrimet e përmendura, mund të jeni në gjendje të komentoni kur bëhen pyetjet. Vëllai që mban një pjesë të tillë do të bëjë çdo përpjekje për të përfshirë edhe auditorin në trajtimin e pikave kryesore.
5. Çfarë do të na ndihmojë të përfitojmë sa më shumë nga demonstrimet?
5 Demonstrimet: Në disa pjesë do të përfshihen demonstrime për të treguar se si mund të përdoret konkretisht në territor informacioni që po shqyrtohet. Për bërjen e demonstrimeve do t’u kërkohet ndihmë pleqve, lajmëtarëve me përvojë ose pionierëve. Gjatë përgatitjes për këtë pjesë mund të përpiqeni të merrni me mend se si do të trajtohet. Kur demonstrohet një prezantim model, mendoni se si mund ta shprehni me fjalët tuaja dhe si ta përshtatni për njerëz të ndryshëm. Sigurohuni që ta keni me vete botimin ose revistën që do të përdoret në demonstrim. Mund të nxirrni dobi nëse praktikoni disa nga këto prezantime gjatë Adhurimit Familjar.
6. Për cilat arsye duhet të përgatitemi për Mbledhjen e Shërbimit?
6 Mbledhja e Shërbimit bëhet më e këndshme kur përgatitemi dhe mendojmë që më përpara për udhëzimet e shkëlqyera që do të jepen. Nëse ndjekim këto sugjerime, do të inkurajojmë më shumë njëri-tjetrin. (Rom. 1:11, 12) Nëse kalojmë kohë për t’u përgatitur për Mbledhjen e Shërbimit, do të jemi më të pajisur për të përmbushur caktimin tonë.—2 Tim. 3:17.