Udhëzime për ata që mbajnë pjesët në Mbledhjen e Shërbimit
Duke filluar nga ky numër i Shërbimi ynë i Mbretërisë, emërtimi dhe shpjegimi i pjesëve në programin e Mbledhjes së Shërbimit do të thjeshtohet disi. Udhëzimet dhe përkujtuesit e mëposhtëm janë një përditësim dhe sqarim i asaj që thuhej në artikullin «Si të përgatitemi për Mbledhjen e Shërbimit» që doli te Shërbimi ynë i Mbretërisë, maj 2009.
◼ Fjalim: Ky term përdoret për fjalimet që do të mbahen duke u bazuar në materialin e caktuar, por pa pjesëmarrjen e auditorit. Oratori duhet të përqendrohet në atë që është më e dobishme për kongregacionin.
◼ Pjesë me pyetje dhe përgjigje: Kjo pjesë trajtohet pak a shumë si Studimi i Kullës së Rojës, me një hyrje dhe përfundim të shkurtër, dhe bëhen pyetje për të gjithë paragrafët. Drejtuesi nuk duhet të komentojë tepër. Shkrimet kyç mund të lexohen për aq sa lejon koha. Paragrafët nuk duhen lexuar nëse nuk kërkohet në udhëzimet e dhëna.
◼ Diskutim: Ky është një fjalim ku oratori kërkon tek-tuk pjesëmarrjen e auditorit. Nuk zhvillohet vetëm si fjalim dhe nuk është vetëm me pyetje dhe përgjigje.
◼ Demonstrime dhe intervista: Kur thuhet «të demonstrohet», do të thotë se vëllai i caktuar për të mbajtur pjesën ka përgjegjësinë të përfshijë një demonstrim, por demonstrimin nuk e bën ai vetë. Ata që ai zgjedh për ta ndihmuar në këtë drejtim, duhet të jenë të kualifikuar e shembullorë dhe, nëse është e mundur, ai duhet të organizohet mirë me ta që më përpara. Është mirë të mos përdoren lajmëtarë të rinj dhe të papërvojë për të demonstruar se si duhet bërë vepra e predikimit, vetëm e vetëm për t’u dhënë mundësinë të hipin në podium, edhe pse disa mund të përdoren në rolin e të zotit të shtëpisë. Lajmëtarët që demonstrojnë një prezantim duhet të tregojnë kujdes që të jenë me fytyrë përballë auditorit. Ata që «intervistohen» nuk duhet të flasin nga vendi, por nga podiumi. Duhen bërë prova për demonstrimet dhe intervistat. Nëse koha e caktuar për mbledhjen po kalon dhe vëllait i duhet të shkurtojë pjesën, ai nuk duhet të heqë demonstrimet ose intervistat. Shërbëtorët ndihmës duhet të flasin me koordinatorin e trupit të pleqve ose me ndonjë plak tjetër, para se të zgjedhin lajmëtarët për demonstrimet dhe intervistat.
Nëse për ndonjë pjesë të veçantë jepen udhëzime specifike, ato duhen ndjekur me kujdes. Duke i zhvilluar këto pjesë siç u tha më sipër, vëllezërit do të ndihmojnë që Mbledhjet e Shërbimit të mbahen «si ka hije dhe me rregull».—1 Kor. 14:40.