Nëse ju nevojitet menjëherë literaturë në gjuhë të huaj

Ndonjëherë takojmë njerëz që kërkojnë literaturë në një gjuhë të huaj që nuk e kemi gjendje në kongregacion. A e di se, nëse ke mundësi të hysh në Internet dhe të përdorësh një printer, mund të shtypësh literaturë në rreth 400 gjuhë? Si mund ta bësh këtë?

• Shko në adresën www.watchtower.org që është faqja jonë zyrtare e Internetit.

• Në të djathtë të tabelës së faqes së parë është një listë e pjesshme e gjuhëve. Kliko te figura e globit për listën e gjithë gjuhëve të disponueshme.

• Kliko në gjuhën që dëshiron. Do të hapet një faqe ku tregohet literatura që mund të shtypësh, si fletushka, broshura dhe artikuj. Meqë kjo faqe është në gjuhën e huaj që ke zgjedhur, mos u shqetëso nëse nuk arrin t’i kuptosh titujt.

• Kliko mbi një botim të caktuar. Në ekran do të hapet materiali që ke zgjedhur dhe pastaj mund ta shtypësh duke përdorur mundësinë që të ofron programi yt.

Faqja jonë e Internetit përmban vetëm një numër të vogël botimesh; mund të gjesh botime të tjera nëpërmjet kongregacionit. Sapo të kultivosh interesin e personit, është më mirë që të bësh porosi te reparti i literaturës.