Siti ynë zyrtar​—Përdoreni në shërbim

Drejtojini njerëzit te siti ynë: Disa që ngurrojnë të bisedojnë me ne ose të pranojnë literaturën tonë, janë gati të dinë më shumë për Dëshmitarët e Jehovait duke hyrë në adresën jw.org kur janë vetëm në shtëpinë e tyre. Prandaj reklamojeni sitin sa herë t’ju jepet mundësia.

Përgjigjjuni pyetjeve: Ndonjëherë i zoti i shtëpisë, një i interesuar ose një i njohur mund t’ju bëjë pyetje për ne si Dëshmitarë të Jehovait ose për bindjet tona. Tregojani përgjigjen aty për aty duke përdorur pajisje portative ose kompjuter. Shpesh është mirë të lexohet drejtpërdrejt nga Bibla një nga shkrimet e përmendura. Nëse nuk keni pajisje portative për t’u futur në Internet, shpjegojani si ta përdorë adresën jw.org që ta gjejë vetë përgjigjen.​—Shkoni te «Mësime biblike/​Përgjigje për pyetje biblike» ose «Rreth nesh/​Pyetje që bëhen më shpesh».

Dërgojini një artikull ose një botim një të njohuri: Bashkëngjit në një e-mail një dokument PDF ose EPUB të shkarkuar. Ose shkarkoni në CD një version audio të një botimi. Sa herë i jepni një të papagëzuari një libër, broshurë ose revistë të plotë në formatin elektronik, mund ta përfshini në raportin e shërbimit. Nuk duhet të dërgoni materiale me shumicë ose në mënyrë anonime. As nuk duhet t’i fusni në një faqe tjetër Interneti.​—Shkoni te «Botime».

Tregojuni të rejat e fundit për Dëshmitarët e Jehovait: Ato do t’i ndihmojnë studentët biblikë e rivizitat të vlerësojnë qëllimin mbarëbotëror të veprës sonë dhe unitetin e krishterë. (Psal. 133:1)​—Shkoni te «Të rejat».

[Diagrami në faqen 5]

(Për tekstin e faqosur, shih botimin)

Provoni

1 Klikoni «Botime» dhe poshtë do të gjeni botimin që dëshironi të shkarkoni dhe pastaj klikoni formatin që doni, tekst ose audio.

2 Klikoni «MP3» dhe do të shfaqet një listë artikujsh. Klikoni mbi titullin e artikullit për ta shkarkuar ose ▸ për ta dëgjuar online.

3 Zgjidhni një gjuhë tjetër nga kjo listë nëse doni të shkarkoni një botim në gjuhë të huaj.